Mitiyegec 23 - Deduamiti

Ramagareng gombunga

Dawidngo mitiyegec yofi heiec.

¹ Kebu ye neac gareng. Ramagarengngo ramafora garengyunuande, ye ifi isoc nenggareng anenu wiac monggac naric mi obohobade.

² Ye maneng kpindzing sabayagoc fede, ihai fainuu febade nga doku tegiau hesicnuu kemma ruaegoc kecnegeng ambade.

³ Ye ubaongana mengerema kuc gboria monggoc nenude. Amma ye yengena kparaac amma sing dindingacfu hesicnuu imohai kengkecbade.

⁴ Nga ni homecac kperemennu kemema kundung kundunnu kembadeu wiac mangana fingeru imocngo kengec naric mi meficgenenude, nocac Kebu gennoc nigoc kecnec. Geac dzikac nga yasungo meserinuecde.

⁵ Ge ngabafocna kicnginau yombong yakana mengerena neba kerecdokungo orucnau nadzicnenna sebinango ireckeude. Ge neac kpakenec mewakeyombonggena tosea ngadeau maude.

⁶ Ge faka gombunga anennade. Foracngoc, geng yoac dedzege amma imoc modackecnec nga fakaga imocngo hesicnuma kekecnaac uameme sasawau hesicnunadengoc. Nga ni Kebuac amau erema ihai nasoya nasoya kecengkecbesandua.