Mitiyegec 137 - Deduamiti

Bawel doku tegiau

¹ Neni Bawel bangecac doku tegiau tacma Tsion negensima kiacma

² gitanina ic fawau gbedickeing.

³ Ngic yeneng menunuma kemma ebic meficgenemmegec, yeneng ubangerec meficgegecdeac degec, “Ngeni Tsionggac yegec heigec negenni.”

⁴ Neni ine kuric bangecfu kecma Kebuac yegec heinideac obohodimbe.

⁵ Yerusalaim, ni geac nigecnuudeu marifoinango dzanggema kuha kpac ambeso.

⁶ Yerusalaim imoc neac sogac sogaiac enaratoa, ni ifi mi negemma geac nigecnuudeu nedzarannango ngorucbonnau mendanggebeso.

⁷ O Kebu, ngic yeneng Yerusalaim kpetotiegec, naso imohai Edomgac ngic yeneng degec, “Kpembarackegec, kpembarackegec mama seringau wisickeu.” Kebu ge imoc negenna febeso.

⁸ O Bawelgac naroang, ge kpetotiegugecdeac areng, imoc bic degenggec. Ge mangana anennecac ngic mong ye imocac turunga merenude, ye kenehagoc.

⁹ Mong ye geac sabac mema hoc peperandziu yunuma kpebucyunuude, ye kenehagoc.