Mitiyegec 110 - Deduamiti

Ngictau uau faigec

Dawidngo mitiyegec yofi heiec.

¹ Kebungo neac Kebuna yofi edeec, “Ge marifoinau tacmana ngabafocga hanigaac bageau faiyunuba yeni hanigaac tatac ambesandae.”

² Kebungo Tsion amau tacma ngictauyasuga faiu hau ge imoc mema ngabafocga yeneac botucfu ngictau amma ngic kunengngina kecbesena.

³ Ngicfocga yeni dzikac nasou gegoc kenggecdeac songo negemma hama edegugec geng hesicyununa tiki kpetiacfu enggecde. Sacgbori habunginagoc yeni ubaefac amma wamba kpetiac heima asoacac dzimbong heima feande, ifi isoc amma gearu habesandae.

⁴ Kebungo yoac yofi bic deseriec, imoc naric mi meickeude, “Geng Melkitsedekac siricfu womonggareng wisic wisickea kpac kecengkecbesannec.”

⁵ Kebu foigaugeng nande, ye herebunasoya hau ngictau kpedzameyunuude.

⁶ Ye bangeha bangeha ngicngacareng botucnginau tacma isingyunuma yoacngina desiu homegec farengnginango bangecnginau fekenude. Ye bangeha bangeha fekendeu ngicenarafocngina kpetotieyunuude.

⁷ Ye sing tegiau doku mahama feu hemma neudeac oruha miacma kuhagoc nambesande.