Mitiyegec 100 - Deduamiti

Kebuac womonnu kenni

Ubangerecseseac mitiyegec.

¹ Bangec sasawa, ngeni Kebu dendzerenggema sogac sogai yegec heimibisia.

² Ngeni Kebu ubangerecgoc kingang kpemima sogac sogaiac yegecgoc yeac kicfu habisia.

³ Kebu ye Anutu, ngeni imoc negembisia. Yennoc meficnunuma menunuu nenang yeac ngicngacareng andimbe. Nga yeac ngicngacareng amma yeac rama habufora amma yeac oda manau kecdimbe.

⁴ Ye ubangerec ammima yeac nagutoau emma ama sobengau dedengerecac yegec heini. Yeac ubangerec dema yeac kpac kuneng keneheni.

⁵ Kebu ye gombunga. Yeng yoac dedzege amma imoc modackecde, fakaya imoc nasoya nasoya feengkefude. Ye yoara modackecde, imocngo fingecsahengina fekefudesoc, yenearu feengkecbesande.