Mika 6 - Deduamiti

Isracelngo yoacfu nanude

¹ Kebungo nocwiacac dede, imoc negenggec. “Yacma namma tiki sasawa yeneac kicfu haniana dena nga noc yoac denade, imoc fagang sasawa yeneng negembisia.

² Tiki ngeni kedzac faigec, Kebungo ngeneac yoac ua meude, imocac bangec fesinga fefeseri, ge negenna. Kebungo ngicngacfora yeneac yoac ua mema Isracelareng naso wegenanecsac kudoc kpeyemmeude.

³ Ngicngacfocna, Ni noc wiac angemmeai? Nga Ni dafi amma herefagung meficgengemmeai? Imoc degec negemba!

⁴ Ni wanac bangec Aigitanac agengngina tima wangecngunu hayai. Amma Mose, Aharon nga Miryam sueyunuba waraingemmegec.

⁵ Anu ngicngacfocna warac Mocaw yeneac ngictau Balakngo sicsaucfaka angemmeu Bilecamgac medac Becorngo turunga meremmiec, imoc negensibisia. Amma Sitimnac Gilgal kenggec faka fingerec, imocac negemma Kebu fakaya dindingac, imoc ifingoc negentegecmibisia.”

⁶ Ni nocwiacgoc Kebuaru kemma Anutu damudamuyagoc ngonducnemibade? Burumaka medaha ngiwa kifaya mocgu angana, imoc naric mehama sesegerec ohomibade, me?

⁷ NgaKebungo ramangiwa tauseng amma kerec dokuac kpetea, imoc dokutoatoaac kpete ten tauseng isoc mibadeu imocac negengngereenenude, me? Amma sabac waracwaracngo yoac kpekpenaac sese anude me neac sebinaac forango ubaonganaac kopocsic naric dzuarude, me?

⁸ Ngicfunac fingec fingera, nocwiacngo gombunga ande nga Kebungo geac damoc deec, imoc bic edzacguec. Imocac ge fakafora, ubamanganggoc kekecac songo negennegeng nga ruaegoc kekec amma memaemema kekec, imoc Anutugagoc kecma modacna ngereeude.

Isracelac memeting

⁹ Negenggec, Kebungo Yerusalaimnu kpacde, memetinggac naso memea imocngo hadeac negen negengtegecgocngo kpacgaac eweheihei anude.

¹⁰ Ni manganamemengic yeneac amau wiac sicsauc fakau megec nga ikocfu tosofocngina yeneac wiac hodzinnu ebihaac kpete meemma mingina angandae, faka imocac negemba mi manganeude, me?

¹¹ Amma memesufungic mongngo sigeri memeac ebiha mesufuma mekefudeu, ye negengngereemibade, me?

¹² Nga ngicngac dzo finactoanginagoc yeneng mangana homac meficgeandae amma ngicngac gegoc neemenec angandae yeneac ngedzarangnginango ine faitobang yoac homac deandae.

¹³ Imocac ni hanahema kopocsicgaac amma memanganeguba kpac andacbesannec.

¹⁴ Ngeni semeng negecdeu sifu mi hetucngunuu kpeangmeang amma herenginaac homegecde. Ifiac amma semeng tohonnu mekpedzuc ammagec kpedadanggeude nga noc wiac mekpedzuc anggecde, imoc ngaba yeneac wasaibeang enarau faibade.

¹⁵ Amma semeng homecma fora mong mi megecde nga oliwa tidzohogecdeu kerehango ine uaya kpac anude. Ngeni waing gbomea tipusuckegecde ammanu dokuya monnec mong mi negecde.

¹⁶ Ngeni Omriac nemuonga kpabanggema yeneac esangabofaka sasawa modacma medaha Ahabac amau yeac singyoac arenggeandae. Ifiac amma ni memanganengunudacba ngicngacfocngina desure ayemmegec, bangeha bangeha yeneac dzomoctirea anggecde.