Fingec fingec 3 - Deduamiti

Ngicngac yeri Kebu Anutuac yoac kpeoc

¹ Kebu Anutungo bangecac yang sasawa meficyunuec imoc yeneac botucfu boidzocngo negen negentegec ikoha amma faka manganau feracyunudarec. Anu yeng ngac yofi dema kpesimiec, “Ngeri uau ic sasawa nandacdae imocac fora mi nedarecde, Anutungo foracngoc ifi deec me?”

² Ifi deu ye yofi meremmiec, “Neri uau ic nandae imocac fora naric nedacdede.

³ Anutungo yofi deec, ‘Kecma homebaocac ua botuhau ic mocgu nande imocac fora mi nebesera amma mi kpeserebesera.’ Ifi deec.”

⁴ Ifi deu boidzocngo yofi meremmiec, “Kpac, ngeri naric mi homeecde.

⁵ Ye ine yofi negende, ngeri ic imocac gbomea neecdeu kicngira tegeru ye isoc amma wiac gombunga nga mangana imocac hania negentegerecde.”

⁶ Ifi deu ngac ye ic imoc henu nenea gombunga amma yeac kicfu siriha gombunga yombong anec. Anu ye yofi negenec, “Ni naric imoc nema negen negentegecgoc ambade.” Ifi negemma ye ic imocac gbomea mong mema nema ewea yegoc nanec ye ifingoc miu neec.

⁷ Neec kicngira tegeru senggang kefoc imoc engenoc. Engemma fig ic maria goa mema kpebioc. Kpebima imocngo kporuc isoc anu sebingira semeoc.

Anutungo haec

⁸ Anu marai anu ama nomaneu Kebu Anutungo uau kenu ngic enemagoc yeri haniudumenga negenoc. Negemma ic botucnginau kemma yeac kicfunac sufuoc.

⁹ Sufuec ye ngic kpacma yofi deec, “Adam, ge dahai?”

¹⁰ Ifi kparu ngicngo yoac turunga yofi meremmiec, “Ni udumengga negemba uau hana senggang kecduaeac kengec amma sufudua.”

¹¹ Ifi deu Anutungo yofi dema kpesimiec, “Ge senggang kecnec imoc merang edegudac? Ge ic gbomea mi nenadeac kpae faiyai ge imoc nedang me?”

¹² Ifi deu ngicngo yofi deec, “Ge ngac nigoc kefudeac nennec yeng icgbomea mema nenu nedua.”

¹³ Ifi deu ngac yofi dema kpesimiec, “Ge noc faka andang?” Deu deec, “Boidzocngo ikoc anenu ic gbomea kpaeyagoc imoc nedua.”

Anutungo demeting ayemmeec

¹⁴ Ifi deu boidzoc yofi dema edeec, “Ge ifi andanggac amau ramaburumaka sasawa nga kateu yang sasawa yeneac botucfunac ge sowecgagoc annec. Ge bangecfu kecnadesoc wosogango heima heima kecma sendungnene kecnade.

¹⁵ Anu ni ge anggemba ngacac ngabaya annade nga ngac ye ifingoc geac ngabaga kefude. Amma geac fingecsahe yeni ngacac bangecfora yeneac ngabafocngina anggecde. Amma yeac bangecfora yeni geac fingecsahegaac ngabafocngina anggecde. Amma ye geac orucga tidzameu geng meremma hania kinade.”

¹⁶ Amma ye ngac yofi dema edeec, “Ge heregoc annade naso imohai kpendzeng monggoc gembade nga gadze witiau nambaracfocga meyununade. Amma ge ewegaac anggenu yeng geac gareng anude.”

¹⁷ Amma Adam ine yofi dema edeec, “Ni yofi edeguai, ‘Ge ic imocac gbomea mi nebesena!’ Anu ge ine enenggaac yoac modacma icgbomea imoc nedang. Imocac bangec imoc geac amma sowehagoc anude. Anu ge kecnadesoc nga kecbesannecsoc uatoa mema yakaga meficgema nenade.

¹⁸ Bangecfunac icbarang barang nga kpindzing waeyagoc ereude nga semeng bangecfunac ereude ge imoc nenade.

¹⁹ Ge sengerang heima yakaga homecneckecma homema bangecfungoc dzigenenade. Imoc yofiac, ge bangectehecngo memeguya bangectehecsac annec nga bangec monggoc annade.”

²⁰ Anu ngac ye ngicngac sasawa kekecninagoc nenang kisicnina. Imocac amma ngic ye enemaac kpara Ewa kparec.

Edennu naso wisickeec

²¹ Kebu Anutungo yangsebera mema wamba miackema Adam ngaenema heiyemeru kemeu kefec

²² yofi deec, “Negennec, ngicngacyeri gombunga nga manganaac hania bic negentegecdape, imocacsiricfu yeri nerang isoc andape. Ifiac amma yeri maringira sinemakekec icac fora mema nema kekecserigoc kecbaocac.”

²³ Imocacamma yeri Eden uaunac meicyuruec. Amma yeri bangectehecngomemeaac sueyuruu kemma yeraoc bangecfu heihomecnec anoc.

²⁴ Kebu Anutungo ngicngac meicyuruu ngadeau kemeoc. Meicyuruu Eden uau wenac ereereau dzikacac beang monggerecborangagoc dzeec imoc yengenaoc imohai yerecgemakenghaanec imoc faiec. Anu ye keruwfora goa k ifingoc ihaifaiyunuu yeneng kekec icac sing hedzickegecdeac gareng nanggec. Kebu Anutungo ngicngac meicyuruu ngadeau kemeoc. Meicyuruu Eden uau wenac ereereau dzikacac beang mong gerecborangagoc dzeec imoc yengenaoc imohai yerecgema kenghaanec imoc faiec. Anu ye keruwfora goa ifingoc ihai faiyunuu yeneng kekec icac sing hedzickegecdeac gareng nanggec.