Zʋkpaɩ 16 - A SƐB-SÕW

A Sore be n a bibi-vɩɛrɩ za nyɔ-vʋʋrʋ pʋɔ

¹ A nɩsaal mɩ́ tɩɛr'ɩ a yele bin, ɛcɛ a Sore mɩ́ so a bãwfʋ.

² A nɩsaal mɩ́ tɩ́ɛrɛ na k'aa ʋ ɩb vɩɛl'ɩ kʋralɛ, ɛcɛ a Sore n'ʋ jɛlɛ a socie.

³ Manɩ a fʋ tome wul a Sore, ɛ́ a lɛ fʋ na tɩ́ɛrɩ bin a na maal'a.

⁴ A Sore tɛr'ɩ tɩ́ɛrʋ maal'ɩ bom za. Ʋ ír'ɩ a nɩ-faar tɛɛ za a dɔwrʋ bibir ƴãw.

⁵ A Sore bɛ nɔnɛ a pɔ̀lʋ dem towtow ɛ. Bʋnʋ bɛ ka be ɩ, bɛ na nyɛ̃ nɩ dɔwrʋ.

⁶ Sob nɛ na nɔnɛ ɛ́ bɛ lɛbr pùor a, bɛ mɩ́ dɩ n a ʋ sãwna suur kʋ̀ ʋ. Nɩr na zɔrɛ a Sore a mɩ́ gur'ɩ pùor kʋ̀ a yel-faa.

⁷ A Sore wa nɔnɛ nɩr ɩb a, ʋ mɩ́ ɩ na a sob nɛ nɩ a ʋ dɔ̃ dem tɛɛ za lɛb kpɛ taa.

⁸ Fʋ̃ʋ páw bʋ̃-tɛrɩ blã ɛ́ a tu sɔ́r a, alɛ sa na-bome yaga fʋ na páw ɛ́ a bɛ tu sɔ́r a.

⁹ A nɩsaal mɩ́ tɩɛr'ɩ a lɛ ʋ na na ɩ a, ɛcɛ a Sore n'ʋ mɩ́ so à maalɩ.

A na-mɩnɛ yele

¹⁰ A nãà mɩ́ ƴɛ̀rɛ na mɛ̃ a Naaŋmɩn mɩŋa a. A ƴɛ̀rʋ-dɩb pʋɔ a, ʋ bɛ mɩ́ tuli ɛ.

¹¹ A Sore bɔbr'a k'aa bʋ̃-keri tori, ɛ́ ʋlɛ n'ʋ ƴãw a lɛ a tɩbrʋ bʋ̃-mánɩ za na ɩ a.

¹² A na-mɩnɛ bɛ nɔnɛ a faa maalʋ towtow ɛ. Bʋ̃ʋ n'ʋ vɛ̃, a mɩnʋ pʋɔ n'a a naalʋ-dɩb mɩ́ tɛr fãw.

¹³ A nãà nɔnɛ nɩ a ʋlɩ sob na mɩ́ ƴɛ̀r a ʋ zie nɩ a ʋ pʋɔ za a, ʋ nɔnɛ nɩ a bɛlɩ dem na mɩ́ yere a yel-mɩŋa a.

¹⁴ Nãà na nyɛ̃ suur a na tʋ̃ɔ́ na ƴãw nɩr kũu pʋɔ, ɛcɛ yã-bãwnɛ na tʋ̃ɔ́ na ɓaalɩ ʋ.

¹⁵ A nãà niwn wa vɩɛl a, a nyɔ-vʋʋrʋ n'a. A ʋ pʋ-pɩɛlʋ ɩ na mɛ̃ saa na wa ɓãa zie a.

Zʋkpaɩ na càarɩ a nɩsaalbɛ lãw-kpɛb yele a

¹⁶ A yã-bãwfʋ páwfʋ sa n salm-zɩɛ páwfʋ. A yã tɛrʋ sa n salm-pla tɛrʋ.

¹⁷ A nɩ-dẽdẽ mɩnɛ mɩ́ gur'ɩ pùor cɔw a faa. Nɩr na bɔbr k'ʋʋ piw a ʋ nyɔ-vʋʋrʋ tɛr a mɩ́ maal'a ɩrɛ a ʋ cenu pʋɔ.

¹⁸ A pɔ̀lʋ waar'ɩ nɩ a yele sãwfʋ, ɛ́ a ɩrɛ mɛ̃ fʋ zuo nɩ za a waar'ɩ a loba.

¹⁹ Fʋ̃ʋ siwre fʋ tʋɔra lãw nɩ a nan dem a, alɛ sa fʋ na na lãw nɩ pɔ̀lʋ dem põ zɛb-tʋ̃ɔ́fʋ bome a.

²⁰ Sob nɛ na mɩ́ tɩɛrɩ yel kãw cɛlɩ a, a mɩ́ wa ɩ n vla a ʋ zie. Sob nɛ na mɩ́ ƴãw a ʋ tɩ́ɛrʋ a Sore ƴãw a, zu-nʋ̃ɔ̀ sob'ʋ.

²¹ Nɩr na mɩ́ dɩ a ƴɛ̀rʋ nɩ yã-bãwfʋ a tɛr'ɩ yã, ƴɛ̀rʋ na ƴɛ̀r bàalʋ bàalʋ a mɩ́ ƴɛ̀r'a tʋ̃ɔ́.

²² A tɩɛr-vla tɛrʋ ɩ n nyɔ-vʋʋrʋ yib zie a bɛlɩ dem na tɛr ʋ a ƴãw. A Dãbole dɔwrʋ n'ɩ a bɛ dãbolu.

²³ A yã-bãwnɛ mɩ́ tɩɛr'a baarɩ ɛ́ bãw ƴɛ̀r, lɛ n'a ʋ mɩ́ tʋ̃ɔ́ ƴɛ̀r tʋ̃ɔ́ a nɩbɛ.

²⁴ Ƴɛ̀r-vɩɛlɩ ɩ na mɛ̃ sɩwr na mɩ́ nʋmɛ a nʋɔrɩ́ ɛ́ maalɛ a ƴã-gan a.

²⁵ Nɩr na tʋ̃ɔ́ na tɩ́ɛrɛ k'aa ʋ ɩb vɩɛl'a, ɛcɛ alɛ ɩrɛ mɛ̃ bom'ʋ a, a wɩɛr'ɩ ʋ nɩ a kũu pʋɔ.

²⁶ A kɔ̃ n'a mɩ́ ƴãw a tõ-tone ʋ tone, a dɩb vʋla na be a ʋ zie a mɩ́ ƴãw ʋ na ʋ tone.

²⁷ A nɩ-bɛ-tɛr-bir mɩnɛ mɩ́ cɔbrɩ nɩ a faa maalʋ. A bɛ ƴɛ̀rʋ mɩ́ ɩ na mɛ̃ vũu na dɩrɛ a.

²⁸ A nɩsaal-libelibe mɩ́ ɩrɛ na a nɩbɛ zɛbr taa, ɛ́ gɛgɛra bʋ́rɛ a bárɩ.

²⁹ A po-to-fãw sob mɩ́ bɛ̀lɩ nɩ a ʋ tɔ ƴãw ʋ tu sɔ́r na bɛ vɩɛl a.

³⁰ Nɩr na ũù mimie ɛ́ vam nʋɔr k'ʋʋ cɔbrɩ yel-faa a, ʋ maal'ɩ a faa baarɩ.

³¹ A zukɔbr-pɛlɛ ɩ n dɛpaal-kpawʋɔ na vɩɛl a, a bɛlɩ dem na mɩ́ ɩrɛ vla a nɛbɛ mɩ́ páw ʋ.

³² Nɩr na bɛ nyɛrɛ suur fɔ̃w a sa n gãdaa. Nɩr na mɩ́ tʋ̃ɔ́ nyɔw ʋ mɩŋa a sa n zɛbr nɩ-kpɛ̃ɛ.

³³ Bɛ na tʋ̃ɔ́ na mɩ́ ŋmɛ a gbãw, ɛcɛ a Sore n'ʋ mɩ́ so a sɔwfʋ.