Zʋkpaɩ 11 - A SƐB-SÕW

¹ A Sore bɛ nɔnɛ a bʋ̃-kera na bɛ tori a ɩ, ɛcɛ ʋ nɔnɛ nɩ tɩbrʋ bʋ̃-mána na tu sɔ́r a.

² A pɔ̀lʋ waar'ɩ nɩ ɩ-lab, ɛcɛ a tʋɔra-bɛ-zɛwfʋ waar'ɩ nɩ a yã-bãwfʋ.

³ A ɩ-ɩrɩ na tori a mɩ́ caalɛ nɩ a nɩ-dẽdẽ mɩnɛ, ɛcɛ a ɩ-ɩrɩ na bɛ tori a mɩ́ kʋrɛ nɩ a nɩsaal-libelibe mɩnɛ.

⁴ A ƴɛ̀rʋ-dɩb bibir a, a naalʋ kʋ̃ tɛr yel-ɩra ɩ, ɛcɛ a mɩnʋ tɛwr'a na faa a kũu pʋɔ.

⁵ Ɩ-ɩrɩ na tori a mɩ́ ƴãw fʋ nɩ sɔ́r dẽdẽ zu. Ɛcɛ a nɩ-faa mɩ́ lo n a ʋ faalʋ zũú.

⁶ A nɩ-dẽdẽ mɩnɛ mɩnʋ mɩ́ ɩ na bɛ so bɛ tʋɔra, ɛ́ a nɩsaal-libelibe mɩnɛ mɩ́ lo a bɛ bʋ̃-bɔbrɩ bɛra pʋɔ.

⁷ A nɩ-faa kũu daar a, a ʋ tɩ̀ɛrʋ mɩ́ wɛ na, ɛ́ a tɩ́ɛrʋ ʋ na ƴãw a naalʋ ƴãw a mɩ̀ wɛ.

⁸ Bɛ faa nɩ a nɩ-mɩŋa a pʋl-vʋ̃ɔ pʋɔ, ɛ́ a nɩ-faa lɩɛr'ʋ lo a pʋl-vʋ̃ɔ pʋɔ.

⁹ A nɩ-faa nʋɔr mɩ́ sãw nɩ a ʋ tɔ yele bɛr, ɛcɛ a nɩ-mɩn na nyɛ̃ nɩ faafʋ a bãwfʋ zũú.

¹⁰ A nɩ-mɩn nʋ̃ɔ̀ mɩ́ ƴãw nɩ a tẽ-kpɛ̃ɛ nʋ̃ɔ̀, ɛ́ a nɩ-faar kũu ɩ ʋ lɔbr nʋ̃ɔ̀ cɛlsɩ.

¹¹ A nɩ-dẽdẽ mɩnɛ maalʋ zũú a, a tẽ-kpɛ̃ɛ mɩ́ mɩɛr'a cere, ɛcɛ a nɩ-faar mɩ́ sãwnɛ ʋ na bɛrɛ nɩ a bɛ ƴɛ̀rʋ.

¹² Nɩr na ɩrɛ a ʋ tɔ laar a bɛ tɛr yã ɩ, ɛcɛ yã sob mɩ́ pàw nɩ a ʋ nʋɔr.

¹³ Nɩr na bʋ̀nɛ ƴɛ̀rɛ a mɩ́ ɩ na a yel-sɔwlɩ yi cãamɩ́, ɛcɛ nɩr na ƴãwnɛ ʋ tʋɔra a bɛ pore a yúor ɛ.

¹⁴ Tẽw na bɛ tɛr kaarɛ vla a mɩ́ lo na. Yã-wulbɛ na yãwmɛ a zie n'a a faafʋ be.

¹⁵ Nɩr na sàw k'ʋʋ na pɛ̃w nɩ libir nɩ-sãan a na nyɛ̃ nɩ niw-sʋba, ɛcɛ sob nɛ na zawrɩ a lɛ ɩb a kʋ̃ bãw damnʋ ɛ.

¹⁶ Pɔw na pɔl a mɩ́ nyɛ̃ nɩ ƴãwfʋ, dɛb na tʋlɛ a mɩ́ páw nɩ na-bome.

¹⁷ Nɩr na nɔnɛ a ʋ taabɛ a maalɛ nɩ vla kʋ̀rɛ a ʋl mɩŋa. Ɛcɛ, nɩr na kpɛ po-tuo a dɔwrɛ nɩ ʋ tʋɔra.

¹⁸ A nɩ-faa sã-ya bɛ mɩ́ tɛr pɛr ɛ, ɛcɛ sob nɛ na ɩrɛ a mɩnʋ bere be a na nyɛ̃ nɩ maalʋ, bʋnʋ bɛ ka be ɩ.

¹⁹ A mɩnʋ wɩɛr'ɩ nɩ a nyɔ-vʋʋrʋ pʋɔ, ɛcɛ a sob nɛ na diwr tuur a faa a wɩɛr'ɩ a kũu zie.

²⁰ A Sore bɛ nɔnɛ a yã-tulme dem ɛ, ɛcɛ ʋ nɔnɛ nɩ a bɛlɩ dem ɩb na tori a.

²¹ A bɛ tɛr à ŋá ɩ, a nɩ-faa kʋ̃ vɛ̃ bɛ nyɛ̃ dɔwrʋ ɛ, ɛcɛ a nɩ-mɩn za na cɩ̃ɛ na.

²² Salm-zɩɛ bãw na ƴãw dobaa nyʋɔrɩ́ a, lɛ n'a a pɔw na pɔl ɛ́ bɛ tɛr yã a ŋmɛ̃.

²³ A vla tɛwr'a a nɩ-mɩn mɩ́ gùre, a nɩ-faar bɛ gùre bom a bɛ ɩ a suur tɛwr ɛ.

²⁴ Bɛ mɩnɛ mɩ́ tɩrɛ nɩ yaga ɛ́ kpɩɛr naalʋ dɔwlɛ, ɛ́ bɛ mɩnɛ gbɔbr bine yaga zuo ɛ́ lɩɛbɛ nan dem.

²⁵ Nɩr na tɩrɛ a mɩ́ páw nɩ bʋ̃-yaga, nɩr na tɩrɛ kʋ̃ɔ bɛ nyúur a mɩ̀ na nyɛ̃ nɩ kʋ̃ɔ nyũ.

²⁶ Sob nɛ na mɩ́ sɩb a ʋ ble tɛr a, a nɩbɛ mɩ́ ŋmɩɛr'a ƴãwn ʋ. Ɛcɛ sob nɛ na mɩ́ kʋɔrɛ a ʋ ble a, a nɩbɛ mɩ́ ƴɛ̀rɛ nɩ nɔ-vla ƴãwn ʋ.

²⁷ Sob nɛ na bɔbr k'ʋʋ ɩrɛ vla a, a nɩbɛ mɩ́ nɔnɛ ʋ na. Sob nɛ na bɔbr a faa a, a faa na páw ʋ na.

²⁸ Sob nɛ na ƴãw a ʋ tɩɛrʋ a ʋ naalʋ ƴãw a na lo na, ɛcɛ a nɩ-mɩn mɩ́ kɛrɛ na mɛ̃ tɩɩr a váar na sɔb a.

²⁹ Sob nɛ na ƴãwnɛ damnʋ a ʋ yir pʋɔ a, sɛsɛb'ʋ ʋ na páw. A dãbol na lɩɛb'ɩ a yã-bãwnɛ gbãgbaa.

³⁰ A nɩ-mɩŋa ɩ na mɛ̃ tɩɛ na tɩrɛ nyɔ-vʋʋrʋ a, ɛ́ a yã-bãwnɛ mɩ́ páw a nɩbɛ socie.

³¹ A nɩ-mɩŋa mɩ́ páw nɩ a ʋ sã-ya a tẽw zu ka, a na ɩ à ŋá a, a nɩ-faa nɩ a yel-bier-maalɛ mɩ̀ na páw nɩ a alɩ bome nɛ bɛ na sɛw taa nɩ a.