Yele-za-pɛr-tib 5 - A SƐB-SÕW

A nɩbɛ na dɔw lɩɛrɩ taa a yée na tĩ a Adama zie ɛ́ tɩ tɔ a Nowe a

¹ A Adama bʋʋrɛ yée sɛbɛ n'ɩ à ŋà: A ʋlɩ bibir a Naaŋmɩn na ír a nɩsaal a, ʋ maal'ʋ na ʋ ŋmɛ̃ taa nɩ ʋ.

² Ʋ ír bɛ na dɛb nɩ pɔw, ʋ maalɩ bɛ na ɛ́ por bɛ a yúor kɛ́ nɩsaal, a ʋlɩ bibir nɛ tɔr za ʋ na ír bɛ a.

³ A Adama tɩ tɛr'ɩ yome lɩz'a ayʋɔb nɩ pie (130), ɛ́ dɔw bidɛb, ʋ ɩ a ʋl tɔr za. Ʋ tɩ por ʋ nɩ Sɛtɩ.

⁴ A Adama na wa dɔw a Sɛtɩ baar'a, ʋ cãà na maalɩ yome kɔbr ani (800), dɔw bidɛbr nɩ pɔwyaar.

⁵ A Adama yome za tɩ ɩ n túr vʋ̃ɔ kʋba dɔwlɩ yome lɩzɛr'ɩ pie (930), ʋʋ kpi.

⁶ A Sɛtɩ tɩ tɛr'ɩ yome kʋba nɩ anũu (105), ɛ́ dɔw Enɔsɩ.

⁷ A Sɛtɩ na wa dɔw a Enɔsɩ baar'a, ʋ cãà na maalɩ yome kɔbr ani dɔwlɩ yome ayopõi (807), dɔw bidɛbr nɩ pɔwyaar.

⁸ A Sɛtɩ yome za tɩ ɩ n túr vʋ̃ɔ kʋba dɔwlɩ yome pie nɩ ayi (912), ʋʋ kpi.

⁹ A Enɔsɩ tɩ tɛr'ɩ yome lɩz'a anaar'ɩ pie, ɛ́ dɔw Kenaan.

¹⁰ A Enɔsɩ na wa dɔw a Kenaan baar'a, ʋ cãà na maalɩ yome kɔbr ani dɔwlɩ yome pie nɩ anũu (815), dɔw bidɛbr nɩ pɔwyaar.

¹¹ A Enɔsɩ yome za tɩ ɩ n túr vʋ̃ɔ kʋba dɔwlɩ yome anũu (905), ʋʋ kpi.

¹² A Kenaan tɩ tɛr'ɩ yome lɩz'a ata nɩ pie, ɛ́ dɔw Mahalalɛl.

¹³ A Kenaan na wa dɔw a Mahalalɛl baar'a, ʋ cãà na maalɩ yome kɔbr ani dɔwlɩ yome lɩz'a ayi (840), dɔw bidɛbr nɩ pɔwyaar.

¹⁴ A Kenaan yome za tɩ ɩ n túr vʋ̃ɔ kʋba dɔwlɩ yome pie (910), ʋʋ kpi.

¹⁵ A Mahalalɛl tɩ tɛr'ɩ yome 65, ɛ́ dɔw Yɛrɛdɩ.

¹⁶ A Mahalalɛl na wa dɔw a Yɛrɛdɩ baar'a, ʋ cãà na maalɩ yome kɔbr ani dɔwlɩ yome lɩzɛr'ɩ pie (830), dɔw bidɛbr nɩ pɔwyaar.

¹⁷ A Mahalalɛl yome za tɩ ɩ n túr vʋ̃ɔ kʋba ŋmãa anũu (895), ʋʋ kpi.

¹⁸ A Yɛrɛdɩ tɩ tɛr'ɩ yome lɩz'a ani nɩ ayi (162), ɛ́ dɔw Enɔkɩ.

¹⁹ A Yɛrɛdɩ na wa dɔw a Enɔkɩ baar'a, ʋ cãà na maalɩ yome kɔbr ani (800), dɔw bidɛbr nɩ pɔwyaar.

²⁰ A Yɛrɛdɩ yome za tɩ ɩ n túr vʋ̃ɔ kʋba dɔwlɩ yome lɩz'a ata nɩ ayi (962), ʋʋ kpi.

²¹ A Enɔkɩ tɩ tɛr'ɩ yome 65, ɛ́ dɔw Matuzalɛm.

²² A Enɔkɩ na wa dɔw a Matuzalɛm baar'a, ʋ maal'ɩ a Naaŋmɩn pʋ-tɩɛrʋ yome kɔbr ata (300), dɔw bidɛbr nɩ pɔwyaar.

²³ A Enɔkɩ yome za tɩ ɩ n kɔbr ata dɔwlɩ yome lɩz'a ata nɩ anũu (365).

²⁴ Ʋ tɩ maal'ɩ a Naaŋmɩn pʋ-tɩɛrʋ, al pùorí ʋ bɔr, bʋ̃ʋ n'ʋ vɛ̃, a Naaŋmɩn tɩ ír ʋ na cen nɩ a ʋ zie.

²⁵ A Matuzalɛm tɩ tɛr'ɩ yome kɔbr ayi vʋ̃ɔ lɩzɛr dɔwlɩ yome ayopõi (187), ɛ́ dɔw Lemɛkɩ.

²⁶ A Matuzalɛm na wa dɔw a Lemɛkɩ baar'a, ʋ cãà na maalɩ yome kɔbr ayopõi dɔwlɩ lɩz'a anaar nɩ ayi (782), dɔw bidɛbr nɩ pɔwyaar.

²⁷ A Matuzalɛm yome za tɩ ɩ n túr vʋ̃ɔ kʋba dɔwlɩ yome lɩz'a ata nɩ piwaɩ (969), ʋʋ kpi.

²⁸ A Lemɛkɩ tɩ tɛr'ɩ yome kɔbr ayi vʋ̃ɔ lɩzɛr dɔwlɩ yome ayi (182) ɛ́ dɔw bidɛb.

²⁹ Ʋ tɩ por'ɩ a yúor kɛ́ Nowe. Bʋ̃ʋ n'ʋ vɛ̃, ʋ tɩ yere na: «A sob ŋa n'ʋ na mɔwlɩ tɩ a tɩ tome pʋɔ, nɩ a bàlʋ a na fɛr kɛ́ tɩ nyɛrɛ a pʋɔ, a Sore na ŋmɛ ƴãw a tẽsɔw a zũú.»

³⁰ A Lemɛkɩ na wa dɔw a Nowe baar'a, ʋ cãà na maalɩ yome kɔbr ayʋɔb ŋmãa anũu (595), dɔw bidɛbr nɩ pɔwyaar.

³¹ A Lemɛkɩ yome za tɩ ɩ n kɔbr ayopõi dɔwlɩ yome lɩz'a ata nɩ pie nɩ ayopõi (777), ʋʋ kpi.

³² A Nowe tɩ tɛr'ɩ yome kɔbr anũu (500), a lɛn daar ʋ na dɔw Sɛ́m, Kam, nɩ Zafɛtɩ a.