Sɛb-sõw yielu 97 - A SƐB-SÕW

Sɛb-sõw yielu 97 (96) sob A Sore ɩ n nãà: a tẽw, ʋ cɩlɛ!

¹ A Sore ɩ n nãà: a tẽw, ʋ́ cɩlɛ ƴawr'ɩ, nʋ̃ɔ̀, a ɩrɛ a kʋ̃ɔ-kpɛ̃ɛ-sɔgɔ-ten na zãá a!

² Zũzuw-sɛbla pili na pàw ʋ. Mɩnʋ nɩ yel-na-tu-sɔr-a, alɛ n'a ʋ dɩrɛ nɩ a naalʋ.

³ Vũu de ʋ niwn, dɩrɛ a ʋ dɔ̃ dem a lõboge za.

⁴ A ʋ saa-nyɩwrʋ mɩ́ caal'ɩ a tẽ-daa, a tẽw nyɛ̃ màwr.

⁵ A tan mɩ́ nyɩl'ɩ a Sore niŋé mɛ̃ sɩ-suur a, a tẽw za Sore niŋé.

⁶ A salom hiere na yere a ʋ mɩnʋ, ɛ́ a nɩ-bʋʋrɛ za nyɛrɛ a ʋ yúor-vɩɛlʋ-danʋ.

⁷ Bɛlɩ dem za na maalɛ a tɩbɛ a, bɛlɛ so vĩ, bɛlɩ dem na mɩ́ ɩrɛ ƴãwn a bʋ̃-zawlɛ á ŋá ƴãw a. A ŋmɩmɛ za, a lo gbĩ dume a Sore niŋé!

⁸ Sɩyɔ̃ tẽw wõ a na, nʋ̃ɔ̀ ɩrɛ ʋ, a Zuda tẽw tẽ-bɛrɛ cɩlɛ na, a ƴɛ̀rʋ fʋ na dɩ a ƴãw, Sore e.

⁹ Sore e, a tẽw za zu a, fʋ̃ʋ sɩrɩ n'ɩ a Naaŋmɩn-na-do-saa-bɛ-pɩɛl-a, fʋ do na gãw a ŋmɩmɛ za.

¹⁰ Nyɩɩm na nɔnɛ a Sore a, nyɩ hɩ̃ɛn a faalʋ, ʋ mɩ́ gù n a nɩbɛ na sàw de ʋ a nyɔ-vʋʋrʋ, ʋ mɩ́ faa bɛ nɩ a nɩ-faar nuru pʋɔ.

¹¹ Cãà pur'ɩ a nɩ-mɩŋa ƴãw, ɛ́ nʋ̃ɔ̀ be be a soci-parpar dem ƴãw.

¹² Nyɩɩm nɩ-mɩn i, nyɩ cɩlɛ a Sore ƴãw, nyɩ íre a ʋ yo-sõw danɛ nɩ ʋ.