Sɛb-sõw yielu 87 - A SƐB-SÕW

Sɛb-sõw yielu 87 (86) sob A Sɩyɔ̃ na ɩ a nɩ-bʋʋrɛ za tẽ-kpɛ̃ɛ a

1 Koore bibiir yielu. Sɛb-sõw yielu. Yielu.

¹ Koore bibiir yielu. Sɛb-sõw yielu. Yielu. A Sore mɛ n a Zerizalɛm a tan-son zu.

² Ʋ nɔnɛ nɩ a Sɩyɔ̃ gãw a Zakɔb tẽw tẽ-bɛrɛ za.

³ Naaŋmɩn tẽ-kpɛ̃ɛ ɛ, yel-vɩɛlɩ n'a ʋ manɛ a fʋ ƴãw: Tɛw-àrʋ

⁴ «A nɩbɛ na bãw mɛ̃ a pʋɔ a, ɩ̃ pore nɩ Eziptɩ nɩ Babɩlɔn, Filisɩti, Tɩ́ɩ̀r nɩ Etiopi ten dem yúor. A ten á ŋá pʋɔ n'a bɛ dɔw.

⁵ Ɛcɛ a Sɩyɔ̃ ƴãw a, a fɛr'a kɛ́ bɛ mɩ́ yel: Nɩsaal za dɔw nɩ a ʋ pʋɔ. A Naaŋmɩn-na-do-saa-bɛ-pɩɛl-a mɩŋa n'ʋ mɛ ʋ.»

⁶ A Sore sɔrɛ nɩ a nɩ-bʋʋrɛ ɛ́ sɛbr yere: «Ka n'a bón dɔw.» Tɛw-àrʋ

⁷ Naaŋmɩn tẽ-kpɛ̃ɛ ɛ, a nɩbɛ ƴawr'a ɛ́ yiele yere nɩ: «Fʋ pʋɔ n'a a tɩ nʋ̃ɔ̀ za be.»