Sɛb-sõw yielu 84 - A SƐB-SÕW

Sɛb-sõw yielu 84 (83) sob Zerizalɛm dob daar yielu

¹ Yiel-yielbɛ nɩ-kpɛ̃ɛ sɛbɛ pʋɔ yielu. Gatɩ tẽw korijom'ʋ bɛ mɩ́ ŋmɩɛr yiele nɩ. Koore bibiir yielu. Sɛb-sõw yielu.

² Sore kpɛnʋ-za-sob i, nɔ̃wfʋ bɛ n'a ɩ̃ nɔ̃w a fʋ yir ɛ!

³ Ɩ̃ kpiir'a lore ɛ́ zɩnɛ guur a fʋ yir davʋrɩ ƴãw. A ɩ̃ socir nɩ a ɩ̃ ƴã-gan lɔbr'ɩ nʋ̃ɔ̀ cɛlsɩ cɔwr a Naaŋmɩn na vʋʋrɛ a.

⁴ A davɩɩn tɔr za tɛr'ɩ kpɛb zie, ɛ́ a bɛlaarɛkule tɛr cow mɩ́ ƴãw a ʋ bili, a fʋ bàwr-maal-kube pɛr'a, Sore kpɛnʋ-za-sob i, ɩ̃ Nãà nɩ ɩ̃ Naaŋmɩn i!

⁵ Zu-nʋ̃ɔ̀ dem'ɩ a bɛlɩ dem na kpɩɛr a fʋ yir a, bɛ na tʋ̃ɔ́ na danɛ fʋ kʋralɛ! Tɛw-àrʋ

⁶ Zu-nʋ̃ɔ̀ dem'ɩ a bɛlɩ dem fʋ na mɩ́ ɩ bɛ tɛr fãw a, a bɛl na mɩ́ pɛlɩ pʋɔ ìr lo a sɔ́r a.

⁷ Bɛlɛ wa gãwnɛ bà-fʋɔl-kõw kõw a, Naaŋmɩn mɩ́ ɩ na ʋ lɩɛbɩ bul-nɛ́ɛ zie, ɛ́ a sa-dan mɩ́ paal'ʋ na nɩ maalʋ.

⁸ Bɛ mɩ́ cere na ɛ́ a bɛ fãw dɔwlɛ, bɛ tɩ ta a Naaŋmɩn niŋé, a Zerizalɛm.

⁹ Sore Naaŋmɩn kpɛnʋ-za-sob i, wõ a ɩ̃ puoru, Zakɔb Naaŋmɩn i, bɛr wõ m. Tɛw-àrʋ

¹⁰ Naaŋmɩn i, jɩ́r a nãà kaa, ʋlɛ n'ɩ a tɩ zɛbr-kur-pãgala, jɩ́r a fʋ nɩr fʋ na kaa ír a kaa.

¹¹ Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

¹² Yel-mɩŋa, a Sore ɩ n mʋ̃tɔ̃w nɩ zɛbr-kur-pãgala. A Sore mɩ́ tɩr'ɩ a maalʋ nɩ a yúor, ʋ bɛ sɩbr bʋ̃-vla kãw za, a bɛlɩ dem na ɩrɛ vla a ɩ.

¹³ Sore kpɛnʋ-za-sob i, zu-nʋ̃ɔ̀ sob'ɩ sob nɛ na ƴãw a ʋ tɩɛrʋ a fʋ ƴãw a!