Sɛb-sõw yielu 82 - A SƐB-SÕW

Sɛb-sõw yielu 82 (81) sob A ƴɛ̀r-dɩrbɛ na bɛ dɩrɛ a ƴɛ̀rʋ vla a ƴãw

1 Sɛb-sõw yielu Asafʋ na maalɩ a.

¹ Sɛb-sõw yielu Asafʋ na maalɩ a. A Naaŋmɩn ìr'a àr a ŋmɩmɛ lãw pʋɔ, ʋ dɩrɛ nɩ a ƴɛ̀rʋ a ŋmɩmɛ sɔgɔ.

² «Debor daar'a nyɩ na mɩ́ dɩ a ƴɛ̀rʋ a bɛ tu a yel-mɩŋa, ɛ́ nyɩ mɩ́ kpɛ a nɩ-faar tɩ ta? Tɛw-àrʋ

³ Nyɩ mɩ́ dɩ a ƴɛ̀rʋ kʋ̀ a bãbàal nɩ a bi-kpieb, nyɩ mɩ́ dɩ a ƴɛ̀rʋ kʋ̀ a kpɩɛrʋ sob nɩ a nɩ-kɔmɛ a tu yel-mɩŋa.

⁴ Nyɩ mɩ́ faa a bãbàal nɩ a nã́w sob, nyɩ mɩ́ faa bɛ a nɩ-faar nuru pʋɔ.

⁵ Ɛcɛ, nyɩ bɛ bãw bom za ɩ, nyɩ bɛ tɛr yã ɩ, nyɩ be n lige pʋɔ bɔblɛ, alɛ so a zie bɔbr sãwfʋ.

⁶ Mãa yel'a: naaŋmɩmɛ n'ɩ nyɩ, nyɩ za, a Naaŋmɩn-na-do-saa-bɛ-pɩɛl-a bibiir'ɩ nyɩ za.

⁷ Ɛcɛ nyɩ na kpi na mɛ̃ a nɩsaalbɛ a, nyɩ na lo na mɛ̃ nãà kãw za a.»

⁸ Naaŋmɩn i, ìr, dɩ n a tẽ-daa a ƴɛ̀rʋ, fʋ̃ʋ na n'ʋ só a nɩ-bʋʋrɛ za a.