Sɛb-sõw yielu 8 - A SƐB-SÕW

Sɛb-sõw yielu 8 sob Naaŋmɩn yúor yi na, ɛ́ nɩsaal ɩ kpɛ̃ɛ a ʋ niŋé

¹ A yiel-yielbɛ nɩ-kpɛ̃ɛ sɛbɛ pʋɔ yielu, nɩ Daviir yielu kãw n'ʋ. Gatɩ tẽw korijom'ʋ bɛ mɩ́ ŋmɩɛr yiele nɩ.

² Sore, tɩ Zu-sob i, nyɛ̃ a fʋ yúor na yi sɛw a tẽw za zu a! A fʋ dɛpaalʋ zuo nɩ a salom dɛpaalʋ.

³ A bibiir nɩ a bibi-cãpʋrmɛ nɛ́ɛ n'a fʋ mɩ́ wul'ɩ a fʋ fãw a fʋ dɔ̃ dem. A ɩ na mɛ̃ dacĩ-kpɛ̃ɛ n'ʋ fʋ mɛ k'aa ta lɛb tɛr ɩb a fʋ dɔ̃ dem bɛl na bɛ wone za a zie a.

⁴ Ɩ̃ na mɩ́ jɩ́rɛ a salom na ɩ a fʋ nuru tome a, a cuw nɩ a ŋmar-bie fʋ na ƴãw a be a,

⁵ ɩ̃ mɩ́ sowre nɩ ɩ̃ tʋɔra: Bʋ̃ʋ pãa n'ɩ a nɩsaal fʋ tɛr a ʋ tɩɛrʋ a, bʋ̃ʋ n'ɩ a nɩsaal bie fʋ kaarɛ ʋ zie à ŋá?

⁶ Fʋ maal'ʋ na, ʋlɛ nɩ a malkɩ mɩnɛ cɛ blã na zɛ̃ taa, fʋ ɩ na k'ʋ tɛr yúor nɩ ƴãwfʋ.

⁷ Fʋ ɩ na k'ʋ dɩrɛ naalʋ a fʋ bʋ̃-íri za zu, fʋ dĩ nɩ bom za bin a ʋ pile,

⁸ a píir, a bʋʋr nɩ a nĩi, tɩ lãwnɩ a wɛ-dʋn,

⁹ a mʋ̃ɔ pʋɔ lili nɩ a kʋ̃ɔ-kpɛ̃ɛ zʋ́mɛ́, nɩ bom za na tuur a kʋ̃ɔ-kpɛ̃ɛ sɛ́ɛ a.

¹⁰ Sore, tɩ Zu-sob i, nyɛ̃ a fʋ yúor na yi sɛw a tẽw za zu a!