Sɛb-sõw yielu 73 - A SƐB-SÕW

SƐBR ATA SOB 73—89 Sɛb-sõw yielu 73 (72) sob Ɩ̃ tɩ nyùur'ɩ nɩ a nɩ-faar

1 Sɛb-sõw yielu Asafʋ na maalɩ a.

¹ Sɛb-sõw yielu Asafʋ na maalɩ a. A Naaŋmɩn sɩrɩ na ɩ nɩ-vla a Ɩsɩrayɛl zie, a bɛlɩ dem pʋʋr na pɛlɩ a zie.

² Ɛcɛ ɩ̃ tɩ cɛ nɩ blã nãá ŋmɛ gbɛ́r, zaa pʋrɩ n'a ɩ̃ɩ nãá faa lo.

³ Bʋ̃ʋ n'ʋ vɛ̃, ɩ̃ tɩ nyɛ̃ nɩ a ƴã-ɓaarʋ a pɔ̀lʋ dem na tɛr a, ɛ́ tɩ nyùur'ɩ a nɩ-faar bɛ ŋa.

⁴ Bom za bɛ mɩ́ fɛrɛ bɛ, ɛ́ tɩ ta a bɛ kũu daar ɛ, bɛ mɩ́ kpɛ n bɛrɛ 'wɔra 'wɔra a.

⁵ A bɛ mɩ́ wone bɛ mɛ̃ a nɩbɛ za a ɩ, a kpɩɛrʋ na mɩ́ páw a bɛ taabɛ a bɛ páwr bɛ ɩ.

⁶ Alɛ so a pɔ̀lʋ mɩ́ ɩ a bɛ kɔkɔrɩ́ lɛgɛ, ɛ́ a po-to-fãw-ɩb ɩ kparʋ bɛ su.

⁷ A bɛ dɛpaalʋ dɩb pʋɔ a, bɛ mɩ́ jewre fʋ na! A bɛ tɩɛrʋ za mɩ́ sãá na.

⁸ Bɛ mɩ́ ɩrɛ nɩ a nɩbɛ laar, ɛ́ tɛr po-to-ƴɛ̀rʋ, bɛ bɛ mɩ́ bɛrɛ a nɩbɛ a bɛ ƴɛ̀rʋ pʋɔ ɩ.

⁹ Bɛ bɛ mɩ́ bɛrɛ a Naaŋmɩn a bɛ ƴɛ̀rʋ pʋɔ ɩ, ɛ́ bɛ jɩɩrɛ bom bɛrɛ a tẽw zu ɛ.

¹⁰ Alɛ so a nɩbɛ za cere a bɛ zie, ɛ́ dier a bɛ ƴɛ̀rʋ mɛ̃ kʋ̃ɔ fʋ na nyúur a.

¹¹ A nɩbɛ bɛ ŋa yere na: «Ŋmɩŋmɩn n'a a Naaŋmɩn na tʋ̃ɔ́ bãw? A Naaŋmɩn-na-do-saa-bɛ-pɩɛl-a bãw nɩ bom ɩ?»

¹² À à ŋá n'a a nɩ-faar ŋmɛ̃: ɛcɛ a bɛ tɛra dɔwlɛ nɩ kʋralɛ, ɛ́ bom bɛ fɛrɛ bɛ ɩ.

¹³ A na ɩ lɛ a, zaalɛ n'a ɩ̃ maal tɛr a ɩ̃ pʋɔ ʋ pɛlɩ, ɛ́ ɩ̃ pɛ́w a ɩ̃ nuru wul ɩ̃ na bɛ tɛr sãwna a.

¹⁴ Bɛ pɔbr mɛ̃ nɩ bibie za, biɓaarɛ za, ɩ̃ mɩ́ nyɛ̃ nɩ dɔwrʋ.

¹⁵ Ɛcɛ mãa tɩ yel k'ɩ̃ɩ na ƴɛ̀rɛ na mɛ̃ a bɛl a, Naaŋmɩn i, ɩ̃ nãà mɩl'ɩ a fʋ bibiir.

¹⁶ Lɛ n'a ɩ̃ tɩ yel k'ɩ̃ɩ tɩɛrɩ bãw a pɛr. Ɛcɛ ɩ̃ tɩ nyɛ̃ na a kpɛmɛ zuo,

¹⁷ ɩ̃ na wa kpɛ a fʋ yir pʋɔ baar'a n'a ɩ̃ bãw ʋlɩ bom nɛ na gùre a nɩbɛ bɛ ŋa a.

¹⁸ Yel-mɩŋa, sãsaalʋ sɛ́ɛ zu n'a fʋ ƴãw bɛ, k'aa bɛ loba tʋ̃ɔ́ ɩ fɔ̃w.

¹⁹ Bɛ wa bere na a ɩ a za n'a, bɛ baarɩ na, dɛ̃bɩ̃ɛ kʋ bɛ na pàw pɛr!

²⁰ Sore e, fʋ̃ʋ mɩ́ wa ìr a, bɛ mɩ́ bɔr'a mɛ̃ zánʋ fʋ na wa ìr ʋ bɔr a.

²¹ A lɛn daar a ɩ̃ suur na tɩ sãw, ɛ́ pʋɔ za kárɛ mɛ̃ a,

²² ɩ̃ tɩ gem'a, ɛ́ bɛ bãw bʋ̃ʋ n'ʋ ɩrɛ ɩ, ɩ̃ tɩ ɩ na mɛ̃ dʋ̃w a, a fʋ niŋé.

²³ Ɛcɛ mãa nɩ fʋ̃ʋ nɛbɛ kʋralɛ. Fʋ nyɔw mɛ̃ nɩ a dʋrʋ nũú,

²⁴ fʋ tɛr mɛ̃ na lo n a sɔ́r, wule mɛ̃, al pùorí fʋ na de m'ɩ a fʋ vɩɛlʋ pʋɔ.

²⁵ A tẽw zu ka a, fʋ̃ʋ yõ n'ʋ ɩ̃ bɔbr, ɛ́ ãa n'ʋ ɩ̃ na lɛb tɛr a tẽ-vla pʋɔ ƴãw pʋɔ a fʋ ƴãw?

²⁶ A ɩ̃ ƴã-gan nɩ a ɩ̃ socir na tʋ̃ɔ́ na bàl, ɛcɛ Naaŋmɩn i, fʋ̃ʋ n'ɩ a ɩ̃ socir fãw, nɩ a bom ɩ̃ na só kʋralɛ a.

²⁷ Bɛlɩ dem na zãá nɩ fʋ a, bɛ na kpi na, bɛlɩ dem na mɩ́ zawrɩ fʋ bɛr a, a bɛ yele mɩ́ baar'a.

²⁸ Ɛcɛ mãa a, a ɩ̃ nʋ̃ɔ̀ n'ɩ ɩ̃ na pɩɛlɩ fʋ a. Sore Naaŋmɩn i, a fʋ zie n'a ɩ̃ ƴãw a ɩ̃ tɩɛrʋ, ɛ́ ɩ̃ na manɛ nɩ a fʋ tome za.