Sɛb-sõw yielu 62 - A SƐB-SÕW

Sɛb-sõw yielu 62 (61) sob Naaŋmɩn yõ zie n'a a ɩ̃ pɩ̃ɛnʋ be

¹ Yiel-yielbɛ nɩ-kpɛ̃ɛ sɛbɛ pʋɔ yielu. Yedutun yielu. Sɛb-sõw yielu Daviir na maalɩ a.

² Naaŋmɩn yõ zie n'a a ɩ̃ pɩ̃ɛnʋ be, ʋl zie n'a a ɩ̃ faafʋ yire,

³ ʋl yõ n'ɩ a ɩ̃ pìir, a ɩ̃ faafʋ, a ɩ̃ zɛbr-yir-kpɛ̃w, ɩ̃ kʋ̃ dam damnʋ ɛ.

⁴ — Nyɩ za na lãw na dãwnɛ taa wɩɛr nɩr ƴãw, kɛ́ nyɩ tɩ ŋmɛ ʋ lɔb mɛ̃ dacin na cɩɩlɩ a, bɩɩ mɛ̃ dàbáw na lore a, ɛ́ gù debor?

⁵ Lɛ nyɩ na na ɩ siwr'ʋ a be ʋ na do tɩ àr a, al tɛwr yã n'a nyɩ bɔbr. A nɔ-vla nyɩ na mɩ́ ƴɛ̀rɛ a, nʋɔr tɛwr'ʋ nyɩ mɩ́ ƴɛ̀r'ɩ, ɛ́ a nyɩ tɩɛrʋ pʋɔ nyɩ ŋmɩɛr ƴãwn. Tɛw-àrʋ

⁶ Naaŋmɩn yõ zie n'a a ɩ̃ pɩ̃ɛnʋ be, ʋl zie n'a a tɩɛrʋ ɩ̃ na ƴãw a ʋ ƴãw a yire.

⁷ Ʋl yõ n'ɩ a ɩ̃ pìir, a ɩ̃ faafʋ, a ɩ̃ zɛbr-yir-kpɛ̃w, ɩ̃ kʋ̃ dam damnʋ ɛ.

⁸ A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

⁹ Nɩbɛ ɛ, nyɩ mɩ́ ɓãá ƴãw bɛr nyɩ tʋɔra kʋ̀ ʋ kʋralɛ, nyɩ mɩ́ ƴɛ̀r a nyɩ pʋɔ ƴɛ̀rʋ kʋ̀ ʋ. A Naaŋmɩn n'ɩ a tɩ sɔwlʋ zie! Tɛw-àrʋ

¹⁰ A nɩsaalbɛ ɩ n pɩɛlʋ tɛwr. Nɩsaalbɛ ɩ n bɛ̀lʋ. Bɛlɛ ɩ mɛ̃ bɛ do n bʋ̃-kera zu a, bɛ za na ɓã taa a na ɩ n zelfel zuo pɩɛlʋ.

¹¹ — Nyɩ ta ɩrɛ ƴãwn a po-to-fãw ƴãw ɛ, nyɩ ta ƴãw a nyɩ tɩɛrʋ zawlalɛ a nyãnyu-ɩb ƴãw ɛ. A nyɩ tɛra wa dɔwlɛ a, nyɩ ta de a nyɩ yã za ƴãw a ƴãw ɛ.

¹² Gb'a à ŋá za n'a ɩ̃ wõ a Naaŋmɩn ƴɛ̀r a ƴɛ̀rʋ ŋa: «Mãa so a kpɛnʋ.»

¹³ — Fʋ̃ʋ mɩ̀ so a nɔ̃wfʋ, Sore e, fʋ mɩ́ ya n ŋa za man nɩ a ʋ ɩb.