Sɛb-sõw yielu 6 - A SƐB-SÕW

Sɛb-sõw yielu 6 sob Sore e, taa dɔwrɛ mɛ̃ ɩ

¹ A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Fomie ani korijom'ʋ bɛ mɩ́ yiele ŋmɩɛr'ɩ ƴãwn. Daviir yielu kãw n'ʋ.

² Sore, fʋ nyɛ̃ nɩ mɛ̃ nɩ suur, ɛcɛ ta ƴãw mɛ̃ dɔwrʋ ɛ, ta kpãa mɛ̃ nɩ su-yãyaar ɛ.

³ Sore e, zɔ ɩ̃ nɩbaalʋ, a ɩ̃ fãw báarɛ na, Sore e, sanɩ mɛ̃, a ɩ̃ kɔbɛ za yɔwrɛ na.

⁴ A ɩ̃ tɩɛrʋ za dam'a nyaw taa. Ɛ́ fʋ̃ʋ a, Sore e, debor'a fʋ na gù tɩ ta?

⁵ Sore e, lɛb wa wa faa mɛ̃, faa mɛ̃ a fʋ nɔ̃wfʋ zũú.

⁶ Bʋ̃ʋ n'ʋ vɛ̃, nɩr bɛ lɛb tɩɛrɛ fʋ yele a kũu pʋɔ ɩ, nɩr bɛ danɛ fʋ a kpɩmɛ tẽw pʋɔ ɩ.

⁷ Ɩ̃ kõ na bɛ tɩ cãà laar ɛ, tɩ̃ɩsɔw za, a ɩ̃ mʋta-kʋ̃ɔ mɩ́ bur'ɩ a ɩ̃ gado, a ɩ̃ bʋ̃-gana mɩ́ ɩ n mʋta-kʋ̃ɔ tɛwr.

⁸ A pʋ-sãwna zɔ̃wnɛ nɩ a ɩ̃ mimie, a nyɛrʋ bɛ cãà saalɩ ɛ, a ɩ̃ dɔ̃ dem yaga zũú.

⁹ Nyɩ cen taw zaa a ɩ̃ zie, nyɩɩm yel-fa-maalbɛ za a! Bʋ̃ʋ n'ʋ vɛ̃, a Sore wõ n a ɩ̃ kon.

¹⁰ A Sore wõ n a ɩ̃ yãayãa zɛlʋ, ʋ sàw na de a ɩ̃ puoru.

¹¹ Vĩ, a nyɔw a ɩ̃ dɔ̃ dem za, ɛ́ a bɛ tɩɛrʋ dam bɛ, bɛ lɛb pùor bɛ za, ɛ́ vĩ ùr nyɔw bɛ!