Sɛb-sõw yielu 5 - A SƐB-SÕW

Sɛb-sõw yielu 5 sob Nɩr na cen a Sore zie a puoru

¹ A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Bɛ mɩ́ pɛblɛ nɩ weli ƴãwn. Daviir yielu kãw n'ʋ.

² Sore e, bɛr wõ a ɩ̃ ƴɛ̀rʋ, wõ a «'woi! 'woi!» ɩ̃ na kone a.

³ Fʋ̃ʋ ɩ̃ Naaŋmɩn nɩ ɩ̃ Nãà a, cɛlɛ be wõ a ɩ̃ bʋɔlʋ, fʋ̃ʋ n'ʋ ɩ̃ puore.

⁴ Sore e, fʋ mɩ́ wõ n a ɩ̃ kɔkɔr a biɓaara, a biɓaara a, ɩ̃ mɩ́ cɔbr'ɩ bom za a fʋ ƴãw, ɛ́ gùre.

⁵ Fʋ bɛ ɩ naaŋmɩn kãw na nɔnɛ a faalʋ a ɩ, nɩ-faa bɛ kpɩɛr a fʋ yir ɛ.

⁶ Pɔ̀lʋ̀ dem bɛ àrɛ a fʋ niŋé ɩ, fʋ bɛ nɔnɛ a yel-fa-maalbɛ za towtow ɛ.

⁷ Fʋ mɩ́ ɩ n a zir-ŋmarbɛ bɛ kpi, a nɩsaal-libelibe nɩ nɩ-kʋrɛ a, Sore e, fʋ bɛ nɔ̃w bɛ paalɩ gʋba ɩ!

⁸ Ɛcɛ a fʋ nɔ̃wfʋ a ɩ̃ zie ɩ n kpɛ̃ɛ, ɩ̃ mɩ́ tʋ̃ɔ́ kpɛ a fʋ yir pʋɔ lo gbĩ dume nɩ ƴãwfʋ, tori a fʋ yir-sõw.

⁹ Sore e, fʋ ɩ n Naaŋmɩn na tuur yel-mɩnʋ a, wul mɛ̃ a sɔ́r, a ɩ̃ dɔ̃ dem ƴãw. Ɩ a fʋ sɔ́r ʋ man taa a ɩ̃ niŋé.

¹⁰ Bɛ bɛ yere yel-mɩŋa ɩ, faa maalʋ tɛwr tɩɛrʋ n'a bɛ tɛr. A bɛ kɔkɔpʋɔ ɩ na mɛ̃ yàa-bɔw na yuo a, bɛ̀lʋ nʋɔr'ʋ bɛ ƴãw.

¹¹ Naaŋmɩn i, yel kɛ́ bɛ sãw na, a bɛ libelibe, a wa n a bɛ loba. Diw bɛ bɛr a bɛ ɩ-faar za ƴãw, bɛ na ɩ nɩsaal-gaarɩ a fʋ zie a ƴãw.

¹² Bɛlɩ dem za na zɔ kpɛ a fʋ naayir a na cɩlɛ na, bɛ na cɩlɛ nɩ kʋralɛ, fʋ na piw bɛ tɛr a. Fʋ na ɩ n a bɛlɩ dem na nɔnɛ fʋ a, bɛ ŋmɩɛr nʋ̃ɔ̀ cɛlsɩ.

¹³ Sore e, fʋ̃ʋ n'ʋ mɩ́ maalɩ a nɩ-mɩŋa, a fʋ maalʋ mɩ́ pili na pàw ʋ, mɛ̃ zɛbr-kur-pãgala na piw nɩr a.