Sɛb-sõw yielu 48 - A SƐB-SÕW

Sɛb-sõw yielu 48 (47) sob A Na-kpɛ̃ɛ tẽw Sɩyɔ̃

¹ Yielu. Koore bibiir yielu. Sɛb-sõw yielu.

² A Sore ɩ n kpɛ̃ɛ, a tɩ Naaŋmɩn sɛwnɩ nɩ danʋ yaga za a ʋ tẽ-kpɛ̃ɛ pʋɔ. A ʋ tãw-sõw

³ ìr'a àr nɩ pɔ̀lʋ, ɛ́ ɩrɛ nʋ̃ɔ̀ a tẽw za. A Sɩyɔ̃ tãw n'ɩ a tẽ-daa tẽ-kpɛ̃ɛ kpɛ̃ɛ, a Na-kpɛ̃ɛ tẽ-kpɛ̃ɛ n'ʋ.

⁴ A Sɩyɔ̃ tẽw sɔwlʋ ziir za pʋɔ a, a Naaŋmɩn n'ʋ bɛ bãw ʋ ɩ a sɔwlʋ zie.

⁵ A na-mɩnɛ tɩ ɓã n taa, bɛ tɩ lãw na wa a Sɩyɔ̃ ƴãw.

⁶ Bɛ tɩ nyɛrɛ ʋ na wa báarɛ nʋɔr ɓãá bɛ, pʋl-vʋ̃ɔ tɩ nyɔw bɛ na, bɛ lɩɛb zɔ.

⁷ Dɛ̃bɩ̃ɛ mawfʋ tɩ nyɔw bɛ nɩ a be, bɛ ŋmɩɩlɛ mɛ̃ pɔw na dɔwr a,

⁸ mɛ̃ a saa-pɛrɩ́ sɛsɛb na mɩ́ fure ŋmɩɛr a Tarsisɩ tẽw gbor-bɛrɛ ŋmɛrɛ a.

⁹ A lɛ tɩ na tɩ wõ bɛ yel a, tɩ nyɛ̃ ʋ nɩ a Sore Kpɛnʋ-za-sob tẽw pʋɔ, a tɩ Naaŋmɩn tẽ-kpɛ̃ɛ pʋɔ. Naaŋmɩn na ɩ na k'ʋ kpɛmɛ àr kʋralɛ. Tɛw-àrʋ

¹⁰ Naaŋmɩn i, tɩ lɛb'a tɩɛrɛ a lɛ a fʋ nɔ̃wfʋ na ŋmɛ̃ a, a fʋ yir pʋɔ.

¹¹ Naaŋmɩn i, mɛ̃ a lɛ a fʋ yúor na yi tɩ tɔ a tẽw baarʋ zie a, lɛ n'a bɛ mɩ̀ na danɩ fʋ tɩ tɔ a tẽw baarʋ zie. A fʋ dʋrʋ nũu paal'ɩ yel-vɩɛlɩ.

¹² Nʋ̃ɔ̀, a kpɩɛr a nɩbɛ a Sɩyɔ̃ tãw zu, ɛ́ bɛ cɩlɛ a Zuda ten pʋɔ, a ƴɛ̀rʋ fʋ na dɩ a ƴãw!

¹³ Nyɩ cɔrɩ cen viiri koli a Sɩyɔ̃ tẽw, nyɩ sɔ́r a ʋ zɛbr-yir-kpɛn al na kɛrɩ gãw a za a,

¹⁴ nyɩ maal bɛl a dacin na viiri koli ʋ a, nyɩ jɩ́r a ʋ ziir al bɛ na cɔbrɩ a zɛbr ƴãw a vla, kɛ́ nyɩ tʋ̃ɔ́ manɩ kʋ̀ a nɩbɛ na bɩ́ɛrɛ dɔwr a,

¹⁵ k'aa Naaŋmɩn ŋa ɩ n a tɩ Naaŋmɩn yome yome za, kɛ́ ʋlɛ n'ʋ wule tɩ a sɔ́r kʋralɛ.