Sɛb-sõw yielu 47 - A SƐB-SÕW

Sɛb-sõw yielu 47 (46) sob Nyɩ puore nuru ƴãwn a Sore, a Na-kpɛ̃ɛ

¹ Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Sɛb-sõw yielu.

² Nyɩɩm nɩ-bʋʋrɛ za a, nyɩ puore nuru carcarcar! Nyɩ ŋmɩɛr nʋ̃ɔ̀ cɛlsɩ cáarɛ nɩ a Naaŋmɩn ƴãw,

³ bʋ̃ʋ n'ʋ vɛ̃, a Sore, a Naaŋmɩn-na-do-saa-bɛ-pɩɛl-a, bɛ tɛr dɩ̃ɛnʋ ɛ, ʋlɛ n'ɩ a na-kpɛ̃ɛ a tẽw za zu.

⁴ Ʋ tʋ̃ɔ́ nɩ nɩbɛ kʋ̀ tɩ, ʋ dĩ nɩ ten nɩbɛ bin a tɩ pile.

⁵ Ʋ kaa na ír a tɩ tẽw kʋ̀ tɩ tɩ nyʋʋr'ɩ, a tɩɩm Zakɔb nɩbɛ ʋ na nɔnɛ a. Tɛw-àrʋ

⁶ A Naaŋmɩn n'ʋ dúor bɛ ŋmɩɛr kuryii, a Sore dúor'a bɛ pɛblɛ a ɩɩl.

⁷ Nyɩ yiele danɛ nɩ a Naaŋmɩn, nyɩ yiele, nyɩ yiele danɛ nɩ a tɩ nãà, nyɩ yiele!

⁸ Bʋ̃ʋ n'ʋ vɛ̃, a tẽw za nãà a, ʋlɛ n'ɩ a Naaŋmɩn. Nyɩ yiele Sɛb-sõw yielu na vɩɛl zuo za a, danɛ nɩ ʋ.

⁹ A Naaŋmɩn dɩrɛ nɩ naalʋ a nɩ-bʋʋr-yoru zu, ʋ zɩ̃ n a ʋ naalʋ-dà-kɔw-sõw zu.

¹⁰ A nɩ-bʋʋrɛ na-mɩnɛ ɓã n taa lãwnɩ a Abraham Naaŋmɩn nɩbɛ. Bʋ̃ʋ n'ʋ vɛ̃, Naaŋmɩn so a tẽw fãw dem, ʋl na do gãw bom za a.