Sɛb-sõw yielu 4 - A SƐB-SÕW

Sɛb-sõw yielu 4 sob Nɩr bɛ na ŋmarɛ ziri ƴãwn, ɛ́ Naaŋmɩn de a ʋ yele a

¹ A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ. Bʋ̃-ŋmɩɛrɩ bɛ na maal'ɩ fomie a n'a bɛ mɩ́ ŋmɩɛr'ɩ ƴãwn.

² Mãa mɩ́ wa bʋɔlɛ fʋ a, fʋ̃ʋ sɔw mɛ̃, Naaŋmɩn i, fʋ̃ʋ na mɩ́ wul a ɩ̃ yel-mɩŋa a. Ɩ̃ na tɩ be fɛrʋ pʋɔ a, fʋ faa mɛ̃ na. Zɔ ɩ̃ nɩbaalʋ ɛ́ sàw de a ɩ̃ puoru.

³ Nɩsaalbɛ ɛ, debor'a nyɩ na bɛr a ɩ̃ yúor sãwfʋ, nyɩɩm na nɔnɛ a yel-zawlɛ, ɛ́ zɔrɛ tuur a ziri pùor a? Tɛw-àrʋ

⁴ Nyɩ bãwnɩ a a Sore na bãwnɩ a ʋ nɩ-mɩŋa a, mãa wa bʋɔlɛ ʋ a, ʋ mɩ́ bɛr'a wõ m.

⁵ Nyɩmɛ wa nyɛ̃ suur a, a ta ɩ nyɩ tɛr sãwna ɩ, nyɩ mɩ́ tɩɛrɩ a nyɩ bʋ̃-gana pʋɔ, ɛ́ ɩ gbili. Tɛw-àrʋ

⁶ Nyɩ maalɛ a bagɛ al na sɛw taa nɩ a, ɛ́ mɩ́ ƴãw a nyɩ tɩɛrʋ a Sore ƴãw.

⁷ Nɩbɛ yaga yere na: «Ãa n'ʋ na ɩ tɩ nyɛ̃ a nʋ̃ɔ̀? Sore e, tɛr niw-vla a tɩ ƴãw.»

⁸ Fʋ ɩ na nʋ̃ɔ̀ kpɛ m zuo a nʋ̃ɔ̀ na mɩ́ kpɛ a nɩbɛ bɛ ŋa, a lɛn daar a bɛ ble nɩ a bɛ divɛ̃ na mɩ́ ʋr a.

⁹ Mãa wa gánɛ wa báarɛ a, ɩ̃ mɩ́ ɓãá nɩ ƴãw gúre, fʋ̃ʋ yõ, Sore e, fʋ̃ʋ yõ n'a n'ʋ mɩ́ ɩ ɩ̃ bɛr tɩɛrʋ a.