Sɛb-sõw yielu 3 - A SƐB-SÕW

Sɛb-sõw yielu 3 sob A dɔ̃dɔmɛ ko n saa, ɛcɛ Naaŋmɩn be n be

¹ Daviir yielu kãw n'ʋ. A lɛn daar a ʋ bidɛb Abɩsalɔm na tɩ diwr ʋ, ʋ zɔrɛ a.

² Sore e, a ɩ̃ dɔ̃ dem yaga tɔ! Bɛ yaga tɔ, na ìr a ɩ̃ ƴãw a,

³ bɛ yaga tɔ, na yere a ɩ̃ ƴãw kɛ́: «Faafʋ bɛ ka be a ʋ ƴãw a Naaŋmɩn zie ɩ!» Tɛw-àrʋ

⁴ Ɛcɛ fʋ̃ʋ a, Sore e, fʋ̃ʋ n'ɩ a ɩ̃ zɛbr-kur-pãgala na piw mɛ̃ tɛr a, fʋ̃ʋ n'ɩ a ɩ̃ yúor bom, a sob nɛ na mɩ́ ɩ ɩ̃ zɛw zu a.

⁵ Ɩ̃ mɩ́ bʋɔl'ɩ a Sore gbololo! Ʋ wɩɛr tɩ sɔw mɛ̃ a ʋ tãw-sõw zu. Tɛw-àrʋ

⁶ Ɩ̃ gã na gúr, wa ìr nyɛ̃ a Sore ʋ ɩ a ɩ̃ tɩɛrɛ.

⁷ Ɩ̃ bɛ cãà zɔrɛ a nɩbɛ tu-tu-túr bɛ ŋa na ŋmãa jil pàw mɛ̃ a ziir za a ɩ,

⁸ Sore e, ìr! Ɩ̃ Naaŋmɩn i, faa mɛ̃! Fʋ̃ʋ na mɩ́ ɓa ɓa a ɩ̃ dɔ̃ dem a kɔrɩ́, ɛ́ kár a nɩ-faar nyɩmɛ bɛr a.

⁹ Sore e, fʋ zie n'a a faafʋ mɩ́ yi. A fʋ maalʋ, a siw a fʋ nɩbɛ zu! Tɛw-àrʋ