Sɛb-sõw yielu 16 - A SƐB-SÕW

Sɛb-sõw yielu 16 (15) sob Nɩr Naaŋmɩn na faa kũu pʋɔ a nʋ̃ɔ̀

1 Danʋ yielu na be a Daviir yielu sɛbɛ pʋɔ a.

¹ Danʋ yielu na be a Daviir yielu sɛbɛ pʋɔ a. Naaŋmɩn i, gùre mɛ̃, a fʋ naayir'a ɩ̃ zɔrɛ kpɩɛr.

² Ɩ̃ yere nɩ a Sore zie à ŋá: «Fʋ̃ʋ n'ɩ a ɩ̃ Sore, a fʋ zie tɛwr'a ɩ̃ wone a nʋ̃ɔ̀.»

³ A fʋ nɩbɛ na be a tẽw pʋɔ a, bɛlɛ nɛbɛ ɩ a nɩ-sɩza mɩnɛ ɩ̃ ƴãwnɛ.

⁴ Bɛlɩ dem na bɔbr ŋmɩn-yoru maalʋ a, a bɛl mɩŋa kpɩɛrʋ n'a bɛ na dɛ ɩrɛ a dɔwlɛ. A bagɛ bɛ na mɩ́ maalɩ de a zɩ̃ɩ kʋ̀ a ŋmɩmɛ á ŋá a, ɩ̃ kʋ̃ maalɩ a towtow ɛ. Ɩ̃ kʋ̃ por a ŋmɩmɛ á ŋá yúor tɔr za mɩ̀ ɛ.

⁵ Sore e, fʋ̃ʋ bɛ na põ ír kʋ̀ m a, ɛ́ fʋ ɩ a ɩ̃ nyɔ-vʋʋrʋ a, a fʋ nũú n'a a ɩ̃ yele za be.

⁶ A bom ɩ̃ na páw a nʋmɛ nɩ a ɩ̃ zie, a ɩ̃ bʋ̃-páwra n'ʋ vɩɛl zuo a za.

⁷ Ɩ̃ puore nɩ a Sore na wule mɛ̃ yã a yãanɩ: a tɩ̃ɩsɔw mɩ̀ saa n'a a, a ɩ̃ tɩɛrʋ mɩ́ kpaalɛ mɛ̃ na.

⁸ A Sore be n a ɩ̃ niŋé kʋralɛ ɩ̃ jɩ́rɛ, ʋ na be a ɩ̃ dʋrʋ lowr a, ɩ̃ bɛ bãwnɛ damnʋ ɛ.

⁹ Alɛ so nʋ̃ɔ̀ paalɩ a ɩ̃ socir, a ɩ̃ sɩ́ɛ cɩlɛ, ɛ́ bom bɛ damnɛ a ɩ̃ ƴã-gan tɔr za ɩ.

¹⁰ Bʋ̃ʋ n'ʋ vɛ̃, fʋ kʋ̃ bɛr a ɩ̃ sɩ́ɛ a kpɩmɛ tẽw pʋɔ ɩ, fʋ kʋ̃ sàw a mãa, fʋ nɩ-nɔna, ɩ̃ nyɛ̃ a bɔw-zɩɛ ɩ.

¹¹ Fʋ na ɩ na ɩ̃ bãw a nyɔ-vʋʋrʋ sɔ́r. Nʋ̃ɔ̀ na bɛ dɩ vuo a n'a bɛ mɩ́ nyɛ̃ a fʋ niŋé, nʋ̃ɔ̀-togoko kʋralɛ, a fʋ dʋrʋ lowr.