Sɛb-sõw yielu 142 - A SƐB-SÕW

Sɛb-sõw yielu 142 (141) sob Sore e, fʋ mɩ́ bãw nɩ a be ɩ̃ na cere a

¹ Daviir wulu. Puoru ʋ na tɩ puori, a lɛ ʋ na tɩ be a tãw bɔw pʋɔ a.

² Ɩ̃ lɔbr'ɩ cɛlsɩ bʋɔlɛ nɩ a Sore, ɩ̃ lɔbr'ɩ cɛlsɩ zɛlɛ nɩ a Sore yãayãa.

³ Ɩ̃ kone na kʋ̀rɛ ʋ, ɩ̃ manɛ nɩ a ɩ̃ kpɩɛrʋ kʋ̀rɛ ʋ.

⁴ Ɩ̃ na mɩ́ wa bàl bɛ cãà laar a, a fʋ̃ʋ a, fʋ mɩ́ bãw nɩ a be ɩ̃ na cere a. A sɔ́r ʋl zu ɩ̃ na cere a, bɛ ƴãw nɩ bɛra a ɩ̃ ƴãw.

⁵ Jɩ́r a ɩ̃ dʋrʋ lowr nyɛ̃ a: nɩr za bɛ ŋmɛlɛ kaar mɛ̃ ɩ. Ɩ̃ bɛ cãà tɛr sɔwlʋ zie ɩ, nɩr za bɛ kaarɛ ɩ̃ zie ɩ.

⁶ Ɩ̃ kõ na bʋɔlɩ fʋ, Sore e, ɩ̃ yel'a: Fʋ̃ʋ n'ɩ a ɩ̃ sɔwlʋ zie, a ɩ̃ na-bom a nɩ-vʋʋrɩ tẽw.

⁷ Ƴãw tobr a ɩ̃ cɛlsɩ ƴãw, bʋ̃ʋ n'ʋ vɛ̃, a wone mɛ̃ na tɩ zuo. Faa mɛ̃ a bɛlɩ dem na dɔwrɛ mɛ̃ a nuru pʋɔ, bʋ̃ʋ n'ʋ vɛ̃, bɛ tɛr'ɩ fãw zuo mɛ̃.

⁸ Ír mɛ̃ a ɩ̃ gaso pʋɔ, ɩ̃ tʋ̃ɔ́ ír a fʋ yúor. A nɩ-mɩn na ŋmãa na jil mɛ̃, fʋ na na maalɩ mɛ̃ vla a ƴãw.