Sɛb-sõw yielu 141 - A SƐB-SÕW

Sɛb-sõw yielu 141 (140) sob Puoru a kpɩɛrʋ daar nɩ a dɔwrʋ nyɛ́b daar

1 Sɛb-sõw yielu Daviir na maalɩ a.

¹ Sɛb-sõw yielu Daviir na maalɩ a. Sore e, ɩ̃ bʋɔlɛ fʋ na, zɔ wa fɔ̃w a ɩ̃ zie, mɩ́ ƴãw tobr a lɛn daar ɩ̃ na mɩ́ bʋɔlɛ fʋ a.

² A ɩ̃ puoru, a do wa a fʋ zie, mɛ̃ a tɩ-suur-zɔ̃-na-nyùur-vla-vla-a zʋ̀ʋ́r a, ɛ́ a ɩ̃ zɛlʋ ɩ mɛ̃ a zaanʋɔra bàwr a.

³ Sore e, ɩ k'ɩ̃ maal tɛr a ɩ̃ nʋɔr, ta sàw ɩ̃ ƴɛ̀r ƴɛ̀r-faa ɩ.

⁴ Piw mɛ̃ tɛr, ɩ̃ ta lãw nɩ a yel-fa-maalbɛ ƴɛ̀rɛ ƴɛ̀r-faar bɩɩ maalɛ faa ɩ. Ɩ̃ bɛ bɔbr k'ɩ̃ɩ pʋɔ a bɛ nɔrʋ pʋɔ ɩ.

⁵ Nɩ-mɩŋa na tʋ̃ɔ́ na ŋmɛ m, ɛ́ kpãa mɛ̃, báalʋ zũú. Ɛcɛ a nɩ-faar nɔ̃wfʋ ɩb a, ɩ̃ bɛ bɔbr a ɩ. Ɛcɛ ɩ̃ bɔbr'a k'ɩ̃ɩ cãà puore, bɛ na saa ɩrɛ a ɩ-faar a.

⁶ Bɛlɛ wa nyɔw a bɛ nɩ-bɛrɛ lɔb ŋmɛ n pìir a lɛn daar a, a ɩ̃ dɔ̃ dem na nyɛ̃ na k'ɩ̃ɩ tɩ yere nɩ yel-mɩŋa.

⁷ Mɛ̃ a lɛ bɛ na mɩ́ wa kʋɔr, wɛr a tẽw a, lɛ n'a a kpɩmɛ tẽw na háa a nʋɔr vɔl a bɛ kɔbɛ na yaarɩ pàw a ziir za a.

⁸ Sore ɩ̃ Naaŋmɩn i, fʋ̃ʋ n'ʋ ɩ̃ lɩɛbɩ a niwn cɔw, a fʋ naayir'a ɩ̃ zɔ kpɛ: bɛr mɛ̃ ɩ̃ cãà vʋʋrɛ.

⁹ Gù m a nɩbɛ bɛ ŋa bɛra ƴãw, nɩ a yel-fa-maalbɛ bɛ ŋa mɩ̃ɛ ƴãw.

¹⁰ A nɩ-faar bɛrɩ na lɛb'a ŋmɛlɩ nyɔw bɛ, ɛ́ mãa tɔlɛ cere.