Sɛb-sõw yielu 140 - A SƐB-SÕW

Sɛb-sõw yielu 140 (139) sob Nɩr bɛ na ŋmarɛ ziri ƴãwn a puoru

¹ Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Daviir na maalɩ a.

² Sore e, faa mɛ̃ a nɩ-faar ƴãw, gùre mɛ̃ a po-to-fãw dem ƴãw.

³ Faa tɛwr maalʋ n'a bɛ mɩ́ tɩɛrɛ, ɛ́ ŋmarɛ zɛbr bibie za.

⁴ A bɛ zɛl ɩ n ɓɩlɓɩl mɛ̃ waab zɛl a, dɔpan lɔw n'a be a bɛ nʋɔrɩ́. Tɛw-àrʋ

⁵ Sore e, taa sàwr k'ɩ̃ lore a nɩ-faar nuru pʋɔ ɩ. Gùre mɛ̃ a po-to-fãw dem, na tɩɛrɛ kɛ́ bɛ ɩ m ɩ̃ lo a ƴãw.

⁶ Pɔ̀lʋ dem sɔwl'ɩ bɛra a ɩ̃ nisɔw. Bɛ 'lẽ 'lẽ nɩ mié nɩ mɩ̃ɛ a ɩ̃ nyɔwfʋ ƴãw, bɛ ƴãw nɩ bɛrɩ a sɔ́r nʋɔr. Tɛw-àrʋ

⁷ Ɛcɛ ɩ̃ yel'ɩ a Sore: «Fʋ ɩ n a ɩ̃ Naaŋmɩn! Sore e, ƴãw tobr a ɩ̃ yãayãa zɛlʋ ƴãw.

⁸ Sore Naaŋmɩn i, fʋ̃ʋ na ɩ a fãw na mɩ́ faa mɛ̃ a, fʋ mɩ́ gù n a ɩ̃ zu a zɛbr daar.

⁹ Sore e, ta sàw kʋ̀ a nɩ-faar a lɛ bɛ na bɔbr a ɩ, ta sàw a bɛ pʋ-tɩɛrʋ ʋ maalɩ ɛ.»

¹⁰ A bɛlɩ dem na ŋmãa jil mɛ̃ a ɩrɛ nɩ pʋr-ɩb. Bɛ tɩ bɔbr'a kɛ́ faa páw mɛ̃. A faa ŋa, ʋ páw a bɛl tɛɛ za. Tɛw-àrʋ

¹¹ Vũu-bi-tʋlɛ, a cir waarɩ bɛ! Bɛ lɔb bɛ ƴãw vũumí, bɔw-zulsɩ bɛ na kʋ̃ lɛb tʋ̃ɔ́ yi a pʋɔ!

¹² A gɛgɛrɩ kʋ̃ kpɛ a tẽw ɛ, ɛ́ a faa na tuur'ɩ a po-to-fãw sob kʋralɛ!

¹³ Ɩ̃ bãwnɩ a na, a Sore mɩ́ bãw nɩ a bãbàalbɛ yele kʋ̀ bɛ, ʋ mɩ́ kpɛ n a nan dem.

¹⁴ Yel-mɩŋa za, a nɩ-mɩn na puore fʋ nɩ yãanɩ, Sore e, a nɩ-dẽdẽ mɩnɛ na kpɩɛr'ɩ a fʋ zie.