Sɛb-sõw yielu 136 - A SƐB-SÕW

Sɛb-sõw yielu 136 (135) sob A Sore nɔ̃wfʋ be n kʋralɛ

¹ Nyɩ puore a Sore yãanɩ, a ʋ vɩɛlʋ ƴãw, nɩ a ʋ nɔ̃wfʋ na be kʋralɛ a ƴãw.

² Nyɩ puore a ŋmɩmɛ za Naaŋmɩn, a ʋ nɔ̃wfʋ na be kʋralɛ a ƴãw.

³ Nyɩ puore a sorbɛ za Sore yãanɩ, a ʋ nɔ̃wfʋ na be kʋralɛ a ƴãw.

⁴ Ʋl yõ n'ʋ maalɩ nɔ-ɓãa-yele, a ʋ nɔ̃wfʋ na be kʋralɛ a ƴãw.

⁵ Ʋ maal'ɩ a salom nɩ yã, a ʋ nɔ̃wfʋ na be kʋralɛ a ƴãw.

⁶ Ʋ yɛ́r'ɩ a tẽsɔw dɔwlɩ a kʋ̃ɔnɩ zu, a ʋ nɔ̃wfʋ na be kʋralɛ a ƴãw.

⁷ Ʋ maal'ɩ a cãà-bɛrɛ, a ʋ nɔ̃wfʋ na be kʋralɛ a ƴãw,

⁸ mʋ̃tɔ̃w so a bibir, a ʋ nɔ̃wfʋ na be kʋralɛ a ƴãw,

⁹ ɛ́ cuw nɩ ŋmar-bie so a tɩ̃ɩsɔw, a ʋ nɔ̃wfʋ na be kʋralɛ a ƴãw.

¹⁰ Ʋ kʋ n a Eziptɩ tẽw dem bi-dãw-dɔwrɩ, a ʋ nɔ̃wfʋ na be kʋralɛ a ƴãw.

¹¹ Ɛ́ ɩ a ʋ nɩ-bʋʋrɛ Ɩsɩrayɛl yi a be, a ʋ nɔ̃wfʋ na be kʋralɛ a ƴãw.

¹² Kpɛnʋ nɩ gãdaalʋ n'a ʋ tõ n a lɛ, a ʋ nɔ̃wfʋ na be kʋralɛ a ƴãw.

¹³ Ʋ ɓar'ɩ a Bàa-kɛkɛɛ kʋ̃ɔ-kpɛ̃ɛ ziir ayi, a ʋ nɔ̃wfʋ na be kʋralɛ a ƴãw,

¹⁴ ɛ́ ƴãw a Ɩsɩrayɛl nɩbɛ tu tɔl a ʋ sɔgɔ, a ʋ nɔ̃wfʋ na be kʋralɛ a ƴãw,

¹⁵ ɛ́ cã a Faarawɔ̃ nɩ a ʋ zɛbr-nɩbɛ lɔb ƴãw a Bàa-kɛkɛɛ kʋ̃ɔ-kpɛ̃ɛ pʋɔ, a ʋ nɔ̃wfʋ na be kʋralɛ a ƴãw.

¹⁶ Ʋ tɛr'ɩ a ʋ nɩ-bʋʋrɛ kpɛ n wɛja-kpalɛ pʋɔ, a ʋ nɔ̃wfʋ na be kʋralɛ a ƴãw.

¹⁷ Ʋ pɔb'ɩ na-bɛrɛ bɛrɛ, a ʋ nɔ̃wfʋ na be kʋralɛ a ƴãw,

¹⁸ Ʋ kʋ n na-kpɛn kpɛn, a ʋ nɔ̃wfʋ na be kʋralɛ a ƴãw:

¹⁹ Amoritɩ mɩnɛ nãà Sihon, a ʋ nɔ̃wfʋ na be kʋralɛ a ƴãw,

²⁰ nɩ Basan tẽw nãà Ɔgɩ, a ʋ nɔ̃wfʋ na be kʋralɛ a ƴãw.

²¹ Ʋ de nɩ a bɛ tẽw tɩr, a ʋ nɔ̃wfʋ na be kʋralɛ a ƴãw,

²² ʋ de ʋ na kʋ̀ a ʋ tõ-tõ-bie Ɩsɩrayɛl, ʋ so ʋ, a ʋ nɔ̃wfʋ na be kʋralɛ a ƴãw.

²³ Ʋ tɩɛr'ɩ a tɩ yele a tɩ kpɩɛrʋ pʋɔ, a ʋ nɔ̃wfʋ na be kʋralɛ a ƴãw,

²⁴ ʋ faa tɩ nɩ a tɩ dɔ̃ dem nuru pʋɔ, a ʋ nɔ̃wfʋ na be kʋralɛ a ƴãw.

²⁵ Ʋ kʋ̀rɛ nɩ dɩb bʋ̃-vʋʋra za, a ʋ nɔ̃wfʋ na be kʋralɛ a ƴãw.

²⁶ Nyɩ puore a saa-zu Naaŋmɩn yãanɩ, a ʋ nɔ̃wfʋ na be kʋralɛ a ƴãw!