Sɛb-sõw yielu 130 - A SƐB-SÕW

Sɛb-sõw yielu 130 (129) sob Ɩ̃ gùre nɩ a Sore nɩ ɩ̃ pʋɔ za

1 Zerizalɛm dob daar yielu.

¹ Zerizalɛm dob daar yielu. Ɩ̃ be n kpɩɛrʋ pʋɔ mɛ̃ bɔw-zulu pʋɔ a, ŋmɩɛr cɛlsɩ cɔwr fʋ, Sore e.

² Sore e, bɛr wõ a ɩ̃ bʋɔlʋ, ƴãw tobr a ɩ̃ yãayãa zɛlʋ ƴãw.

³ Sore e, fʋ̃ʋ wa yel kɛ́ fʋ kʋ̃ yiiri a tɩ sãwna a, ãa n'ʋ na tʋ̃ɔ́ cãà, Sore e?

⁴ Ɛcɛ a fʋ zie n'a a suur-dɩ-kʋ̀b be, kɛ́ bɛ tʋ̃ɔ́ mɩ́ zɔrɛ fʋ.

⁵ Ɩ̃ gùre nɩ a Sore, ɩ̃ gùre ʋ na nɩ ɩ̃ pʋɔ za, ɩ̃ ƴãw nɩ a ɩ̃ tɩɛrʋ a ʋ ƴɛ̀rʋ ƴãw.

⁶ Ɩ̃ gùre nɩ a Sore zuo tɩ̃ɩsɔw zi-gùre na gù a biɓaara a, sɩrɩ zuo tɩ̃ɩsɔw zi-gùre na gù a biɓaara a.

⁷ Ɩsɩrayɛl nɩbɛ ɛ, nyɩ ƴãw a nyɩ tɩɛrʋ a Sore ƴãw, bʋ̃ʋ n'ʋ vɛ̃, ʋ ɩ n nɩ-vla, ʋl zie n'a a faafʋ be yaga za.

⁸ Ʋlɛ n'ʋ na ya ír nyɩ bɛr a nyɩ sãwna za pʋɔ.