Sɛb-sõw yielu 124 - A SƐB-SÕW

Sɛb-sõw yielu 124 (123) sob A Sore mɩŋa n'ɩ a tɩ sõwfʋ

1 Zerizalɛm dob daar yielu. Daviir yielu.

¹ Zerizalɛm dob daar yielu. Daviir yielu. A Sore bɛ tɩ n'ʋ kpɛ tɩ a... — a Ɩsɩrayɛl, ʋ lɛb yel:

² «A Sore bɛ tɩ n'ʋ kpɛ tɩ a»— a lɛn daar a nɩsaalbɛ na tɩ ìr àr a tɩ zu a,

³ a lɛn daar a bɛ suur na tɩ 'lere a tɩ ƴãw a, bɛ nãá tɩ vɔl tɩ nɩ mimie.

⁴ Lɛ n'a a kʋ̃ɔ miwr nãá ɓáw tɩ cen nɩ, a bà-fʋɔla kʋ̃ɔ nãá paalɩ pàw tɩ.

⁵ Lɛ n'a a kʋ̃ɔ nãá da taa wa tɔl a tɩ zu.

⁶ A Sore tɛr'ɩ puoru, ʋ bɛ bɛr tɩ lɩɛbɩ nɛn a bɛ nʋɔrɩ́ ɛ.

⁷ Tɩ faa na yi, mɛ̃ lile a, a lili-nyɔwrɛ bɛra pʋɔ: a bɛra ŋmãa na tɩ faa yi.

⁸ A Sore mɩŋa n'ɩ a tɩ sõwfʋ, ʋl na ír a salom nɩ a tẽw a.