Sɛb-sõw yielu 115 - A SƐB-SÕW

Sɛb-sõw yielu 115 (113 B) sob Naaŋmɩn yõ so yúor-vɩɛlʋ-danʋ!

¹ Sore e, tɩmɛ bɛ nɛbɛ fʋ na kʋ̀ a yúor-vɩɛlʋ-danʋ ɛ, tɩmɛ bɛ nɛbɛ ɩ, a fʋ̃ʋ n'ʋ, a fʋ nɔ̃wfʋ nɩ a fʋ yel-mɩŋa zũú.

² Bʋnʋ ƴãw n'a a nɩ-bʋʋr-yoru na yere: «Nyɩnɛ n'a a bɛ Naaŋmɩn be mɔ̃?»

³ A tɩ Naaŋmɩn be n a salom zu, ʋ mɩ́ maal'ɩ bom za ʋ na bɔbr'a.

⁴ Ɛcɛ salm-pla nɩ salm-zɩɛ n'a bɛ maal'ɩ a bɛ tɩbɛ, nɩsaalbɛ nuru bʋ̃-maalɩ n'a.

⁵ A tɛr'ɩ nʋɔr, ɛ́ bɛ ƴɛ̀rɛ ɩ, tɛr mimie, ɛ́ bɛ nyɛrɛ ɩ,

⁶ tɛr tobe, ɛ́ bɛ wone ɩ, tɛr nyɔbɔgɛ, ɛ́ bɛ wone nyuure ɩ,

⁷ tɛr nuru, ɛ́ bɛ tʋ̀ɔr bom ɛ, tɛr gbɛ́ɛ, ɛ́ bɛ cere ɩ. Fʋ kʋ̃ wõ a kɔkɔr ɛ.

⁸ A bɛlɩ dem na maalɩ a a, bɛ ŋmɛ̃ taa nɩ a, nɩ a bɛlɩ dem za na ƴãw a bɛ tɩɛrʋ a ƴãw a.

⁹ — Ɩsɩrayɛl dɔwlʋ nɩbɛ ɛ, nyɩ ƴãw a nyɩ tɩɛrʋ a Sore ƴãw. — Ʋlɛ n'ɩ a bɛ sõwne nɩ a bɛ zɛbr-kur-pãgala.

¹⁰ — Aarɔ̃ yir dem i, nyɩ ƴãw a nyɩ tɩɛrʋ a Sore ƴãw. — Ʋlɛ n'ɩ a bɛ sõwne nɩ a bɛ zɛbr-kur-pãgala.

¹¹ — Nyɩɩm na zɔrɛ a Sore a, nyɩ ƴãw a nyɩ tɩɛrʋ a Sore ƴãw. — Ʋlɛ n'ɩ a bɛ sõwne nɩ a bɛ zɛbr-kur-pãgala.

¹² — A Sore bãwnɩ tɩ na, ɛ́ na maalɩ tɩ. — Ʋ na maal'ɩ a Ɩsɩrayɛl dɔwlʋ nɩbɛ, ʋ na maal'ɩ a Aarɔ̃ yir dem!

¹³ — Ʋ na maal'ɩ a bɛlɩ dem za na zɔrɛ ʋ a, a pʋrmɛ lãwnɩ a bɛrɛ.

¹⁴ A Sore, ʋ ɩ nyɩ yɛ̀r yãwmɛ, nyɩɩm nɩ a nyɩ bibiir.

¹⁵ A Sore ʋ maalɩ nyɩ, ʋl na ír a salom nɩ a tẽw a!

¹⁶ A salom a, a Sore salom'ʋ, ʋʋ kʋ̀ a tẽsɔw a nɩsaalbɛ.

¹⁷ Kũuni bɛ danɛ a Sore ɩ, bɛl na siwr a gbili tẽw a.

¹⁸ Tɩɩm a, tɩ puore nɩ a Sore yãanɩ, ƴɛrɛŋa nɩ kʋralɛ. Aleluya!