Sɛb-sõw yielu 114 - A SƐB-SÕW

Sɛb-sõw yielu 114 (113 A) sob A Eziptɩ tẽw yib daar nɔ-ɓãa-yele

¹ A lɛn daar a Ɩsɩrayɛl bibiir na tɩ yi a Eziptɩ tẽw pʋɔ a, a lɛ a Zakɔb yir dem na tɩ yi a nɩ-bʋlɩ bɛ ŋa pʋɔ a,

² a Zuda tẽw tɩ lɩɛb'ɩ a Sore zi-sõw, ɛ́ a Ɩsɩrayɛl tẽw lɩɛbɩ a zie ʋ na so a.

³ A kʋ̃ɔ-kpɛ̃ɛ tɩ nyɛ̃ na zɔ, ɛ́ a Zurdɛ̃ man kʋ̃ɔ tɩ̃wnɩ pùor.

⁴ A tã-bɛrɛ mɩ́ tɩ ƴaw na mɛ̃ pʋ́rɩ a, ɛ́ a tãli ƴaw cɩrkar mɛ̃ péli a.

⁵ Kʋ̃ɔ-kpɛ̃ɛ ɛ, bʋ̃ʋ n'ʋ so fʋ zɔrɛ, ɛ́ fʋ̃ʋ, Zurdɛ̃, fʋ tɩ̃wnɛ pùor?

⁶ Tã-bɛrɛ ɛ, bʋ̃ʋ n'ʋ so nyɩ mɩ́ ƴaw mɛ̃ pʋ́rɩ a, ɛ́ nyɩɩm, tãli, nyɩ mɩ́ ƴaw cɩrkar mɛ̃ péli a?

⁷ Tẽsɔw i, màwr a Sore niŋé, a Zakɔb Naaŋmɩn niŋé.

⁸ Ʋ mɩ́ ɩ na a pìir lɩɛbɩ gbãtar, ɛ́ a kʋsɩɛr lɩɛbɩ bul-nʋɔr.