Sɛb-sõw yielu 113 - A SƐB-SÕW

Sɛb-sõw yielu 113 (112) sob A Naaŋmɩn na tɛr yúor ɛ́ ɩ nɩbaal-zɔrɛ a danʋ

¹ Aleluya! Sore tõ-tõ-biir i, nyɩ sʋ̃ɔ̀nɛ a Sore yúor!

² A Sore yúor, ʋ tɛr puoru, a ƴɛrɛŋa nɩ kʋralɛ!

³ A Sore yúor, ʋ tɛr puoru, a mʋ̃tɔ̃w puru daar tɩ ta n a ʋ kpɛb daar!

⁴ A Sore do na gãw a nɩ-bʋʋrɛ za, a ʋ yúor-vɩɛlʋ-danʋ do na gãw a salom bɛr.

⁵ Ãa n'ʋ ŋmɛ̃ taa nɩ a Sore tɩ Naaŋmɩn? Ʋ wɩɛr'a tɩ zɩ̃ a ʋ naalʋ-dà-kɔw zu, a saa-zu,

⁶ ɛ́ mɩ́ jɩ́r a salom nɩ a tẽw pile ka.

⁷ Ʋ mɩ́ nyɔw nɩ a bãbàal na ɓiile a tẽw a, ʋ ìr àr, ɛ́ nyɔw a nã́w sob na zɩ̃ a sagɛ pʋɔ a, ʋ ìr.

⁸ Ʋ mɩ́ ƴãw na ʋ zɩ̃ a nɩ-bɛrɛ dà-kɔw zu, ʋ zɩ̃ lãwnɩ a ʋ nɩ-bʋʋrɛ nɩ-bɛrɛ.

⁹ Ʋ mɩ́ ɩ na a pɔw-ãan tɛr yir, ɩ mã na tɛr bibiir nʋ̃ɔ̀ ɩrɛ ʋ a. Aleluya!