Sɛb-sõw yielu 11 - A SƐB-SÕW

Sɛb-sõw yielu 11 (10) sob A Sore n'ɩ a ɩ̃ taw-lanʋ zie

1 A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ.

¹ A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ. — A Sore n'ɩ a ɩ̃ taw-lanʋ zie, ŋmɩŋmɩn n'a nyɩ na tʋ̃ɔ́ yere a ɩ̃ zie: «Zɔ kpɛ a tan pʋɔ mɛ̃ lile a»?

² — A nɩ-faar'ɩ bɛ ŋan dúore a tam, bɛ càrɛ nɩ a pĩi, kɛ́ bɛ tɛ n a soci-dẽdẽ dem a lige pʋɔ.

³ A ɩ-vɩɛlɩ na so a nɩsaalbɛ lãw-kpɛb a, alɛ bɛ wa cãà be a, bʋ̃ʋ n'ʋ a nɩ-mɩŋa na tʋ̃ɔ́ ɩ?

⁴ — A Sore be n a ʋ Yir-kpɛ̃ɛ sõw pʋɔ. A Sore naalʋ-dà-kɔw be n a salom zu. Ʋ jɩ́rɛ nɩ a nɩsaalbɛ, ʋ mɩ́ jɩ́r'ɩ daadaa bãw bɛ ŋmɛ̃a.

⁵ A Sore nɔnɛ nɩ a nɩ-mɩŋa yele, ɛcɛ ʋ bɛ nɔnɛ a nɩ-faa yele ɩ, nɩ a nɩr na ɩrɛ po-to-fãw-ɩb a.

⁶ Ʋ ɩ yel-faa saa ʋ pɔb a nɩ-faar: cirbi vũu nɩ saa-sɛsɛb, alɛ n'a gùre bɛ.

⁷ Bʋ̃ʋ n'ʋ vɛ̃, a Sore ɩ n nɩ-mɩŋa, ʋ nɔnɛ nɩ yel-mɩnʋ za, ɛ́ a nɩsaal-dẽdẽ mɩnɛ na nyɛ̃ nɩ a ʋ niwn.