Sɛb-sõw yielu 101 - A SƐB-SÕW

Sɛb-sõw yielu 101 (100) sob A lɛ a nɩ-vla na ŋmɛ̃ a

1 Daviir yielu. Sɛb-sõw yielu.

¹ Daviir yielu. Sɛb-sõw yielu. Ɩ̃ bɔbr'a k'ɩ̃ɩ yiele a fʋ nɔ̃wfʋ nɩ a fʋ mɩnʋ, Sore e, a fʋ ƴãw n'a ɩ̃ bɔbr k'ɩ̃ɩ yiele.

² Ɩ̃ na ƴãw nɩ fãw cere vla. — Debor'a fʋ na wa a ɩ̃ zie? A ɩ̃ yir pʋɔ a, ɩ̃ na tɛr'ɩ ɩb na vɩɛl a.

³ Ɩ̃ bɛ sàwr jɩ́rɛ bom na ɩ faa a ɩ. Ɩ̃ bɛ nɔnɛ a bɛlɩ dem na mɩ́ bɛr a sɔ́r a ɩ-ɩrɩ ɛ, ɩ̃ bɛ pʋɔ be ɩ.

⁴ A nɩsaal-gõlõgõlõ a, ɩ̃ bɛ pɩɛlɛ ʋ ɛ, ɩ̃ bɛ bɔbr k'ɩ̃ɩ bãw a yel-faa ɩ.

⁵ Sob nɛ na mɩ́ sɔwlɛ yere a ʋ tɔ a, ɩ̃ na mɩ́ pàw ʋ nɩ a nʋɔr. Sob nɛ tobr na bɛ ka a ʋ taabɛ ƴãw, ʋʋ ɩrɛ pɔ̀l-ɩb a, mãa nɩ ʋl kʋ̃ tʋ̃ɔ́ taa ɩ.

⁶ A nɩ-sɩza mɩnɛ a tẽw pʋɔ, bɛlɛ nɛbɛ ɩ̃ na jɩ́rɛ, bɛ tʋ̃ɔ́ mɩ́ lãw nɩ mɛ̃ kaarɛ a yele zie. Sob nɛ ɩb na vɩɛl a, ʋlɛ n'ʋ na ɩ a ɩ̃ tõ-tone.

⁷ Sob nɛ na bãw a ʋ taabɛ bɛlʋ a, ʋ bɛ kpɩɛr a ɩ̃ yir pʋɔ ɩ. A zir-ŋmarɛ a, ʋ bɛ àrɛ ɩ̃ niŋé ɩ.

⁸ Biɓaarɛ za a, ɩ̃ na mɩ́ pàw nɩ a tẽw pʋɔ nɩ-faar za nɛ́ɛ, k'ɩ̃ɩ tʋ̃ɔ́ diw a yel-fa-maalbɛ za bɛr, a Sore tẽ-kpɛ̃ɛ pʋɔ.