Sɔr-nɛ́ɛ 9 - A SƐB-SÕW

A dàa na ƴãw a Tɔl-gãw cuw maalʋ ƴãw a

¹ A Sore tɩ ƴɛ̀r'ɩ a Moyiir zie, a Sinayi wɛja-kpalɛ pʋɔ. A Ɩsɩrayɛl nɩbɛ na tɩ yi a Eziptɩ a, a yome ayi sob tɩ n'ʋ, a cuw-dãw-niwn sob. A Sore tɩ yel ʋ nɩ à ŋá:

² «A fɛr'a k'aa Ɩsɩrayɛl nɩbɛ maalɩ a Tɔl-gãw cuw, a dàa ʋl na ƴãw a.

³ Nyɩ maal'ʋ a cuw ŋa bibie pie nɩ anaar sob zaanʋɔra, ɛ́ maal'ʋ tu n a nɛ́ɛ nɩ a tub na ƴãw càar'ɩ ʋ a.»

⁴ A lɛ n'a a Moyiir tɩ yel a Ɩsɩrayɛl nɩbɛ kɛ́ bɛ maalɩ a Tɔl-gãw cuw.

⁵ Bɛ tɩ maal'ɩ a cuw a Sinayi wɛja-kpalɛ pʋɔ, a cuw-dãw-niwn sob bibie pie nɩ anaar sob zaanʋɔra. Bɛ tɩ tu n a lɛ tɔr za a Sore na tɩ ƴãw a nʋɔr kʋ̀ a Moyiir a.

⁶ Ɛcɛ nɩbɛ bɛ mɩnɛ kãw tɩ tɛr'ɩ dɛwr, bɛ na tɔ kũu a ƴãw. A na bɛ tɩ tɛr bɛ na maalɩ a Tɔl-gãw cuw a ʋlɩ bibir nɛ a, bɛ cen na tɩ páw a Moyiir nɩ a Aarɔ̃.

⁷ Bɛ tɩ yel'ɩ a Moyiir à ŋá: «Tɩ tɛr'ɩ dɛwr, tɩ na tɔ kũu a ƴãw. Bʋnʋ ƴãw n'a tɩ kʋ̃ tɛr sɔ́r wa n a tɩ de-kʋ̀b bom wa kʋ̀ a Sore, a dàa ʋl na ƴãw a, mɛ̃ a Ɩsɩrayɛl nɩbɛ za a?»

⁸ A Moyiir tɩ sɔw bɛ na: «Nyɩ alɛ ɩ̃ bãw a lɛ a Sore na yel a nyɩ ƴãw a baarɩ.»

⁹ A Sore tɩ yel'ɩ a Moyiir à ŋá:

¹⁰ «Tɩ yel à ŋá kʋ̀ a Ɩsɩrayɛl nɩbɛ: A dɩ̃a a, bɩɩ a nɩbɛ nãà dɔwr lɩɛrɛ taa a pùorí a pʋɔ a, nɩbɛ wa tɛr dɛwr, kũu bɛ na tɔ a ƴãw a, bɩɩ bɛlɛ wa yɔ cen zi-zãána a, bɛ na cãà na tʋ̃ɔ́ maalɩ a Tɔl-gãw cuw a ɩ̃ ƴãwfʋ ƴãw.

¹¹ Ɛcɛ bɛ na maal'ʋ nɩ a cuwr ayi sob bibie pie nɩ anaar sob zaanʋɔra. Bɛ na 'wɔb'ɩ a bàwr-maal-pele lãwnɩ dipɛ̃ na bɛ ƴãw dãbɩl a nɩ zɛ-va-tuo.

¹² Bɛ bɛ cɩɛr bom bɛrɛ bio ɛ, ɛ́ bɛ kárɛ a dʋ̃w kɔbɛ ɩ. Bɛ na maal'ɩ a Tɔl-gãw cuw tu n a lɛ tɔr za a ʋ tub na tuur a.

¹³ Ɛcɛ nɩr bɛ wa tɛr dɛwr, bɛ wa yɔ a, ɛ́ bɛ maalɩ a Tɔl-gãw cuw a, bɛ na ír ʋ na bɛr a Ɩsɩrayɛl nɩbɛ lãw pʋɔ. Ʋ tɛr'ɩ sãwna, ʋ na bɛ wa n a ʋ de-kʋ̀b bom wa kʋ̀ m, a daar ʋl bɛ na ƴãw a zũú.

¹⁴ Nʋʋrɩ na kpɩɛr a nyɩ tẽw pʋɔ a wa bɔbr kɛ́ bɛ maalɩ a Tɔl-gãw cuw a ɩ̃ ƴãwfʋ ƴãw a, bɛ na maal'ʋ na tu n a nɛ́ɛ nɩ a tub na ƴãw càar'ɩ ʋ a. A tub na ɩ n been a nɩbɛ za zie, a Ɩsɩrayɛl nɩbɛ zie nɩ a nʋʋrɩ zie.»

A zũzuwr pàw nɩ a kpɛb-zi-sõw

¹⁵ A ʋlɩ bibir bɛ na tɩ maalɩ a kpɛb-zi-sõw a, a zũzuwr tɩ wa na wa pàw a pɛn-sɛw, a be a wõ-taa kʋsɛ-pamɛ na be a. A zaanʋɔra a, a zũzuwr tɩ ɩ na mɛ̃ vũu a, ɛ́ tɩ ta a biɓaara.

¹⁶ À ŋá n'a a tɩ ŋmɛ̃ a kʋralɛ: a zũzuwr mɩ́ tɩ pàw nɩ a kpɛb-zi-sõw, ɛ́ a tɩ̃ɩsɔw ʋ ɩ mɛ̃ vũu a.

¹⁷ A zũzuwr mɩ́ wa ìr do àr a pɛn-sɛw zu-sɔw a, a Ɩsɩrayɛl nɩbɛ mɩ́ lo n a sɔ́r daadaalɛ. Ʋlɛ wa tɩ tɛw àr ʋlɩ zie nɛ a, be n'a bɛ zɩnɛ.

¹⁸ A Sore n'ʋ mɩ́ tɩ tɩr a nʋɔr a Ɩsɩrayɛl nɩbɛ lo a sɔ́r, ɛ́ ʋlɛ n'ʋ mɩ̀ mɩ́ tɩ tɩr a nʋɔr bɛ tɛw zɩ̃. A lɛn daar za a zũzuwr na be a kpɛb-zi-sõw zu tɩ ta a, lɛ n'a bɛ mɩ́ zɩ̃ tɩ ta.

¹⁹ A zũzuwr mɩ́ wa tɩ be a kpɛb-zi-sõw zu cɛlɩ a, a Ɩsɩrayɛl nɩbɛ mɩ́ tɩ sàw nɩ a nʋɔr, bɛ bɛ mɩ́ lɛb tɩ lo a sɔ́r ɛ.

²⁰ A mɩnɛ kãw, a zũzuwr mɩ́ wa maal'ɩ bibie blã lɛ tɛwr. A lɛ pʋɔ a, a Sore nʋɔr na tɩr a n'a a Ɩsɩrayɛl nɩbɛ mɩ́ tɩ zɩ̃, ɛ́ a ʋ nʋɔr na tɩr a n'a bɛ mɩ́ lɛb tɩ lo a sɔ́r.

²¹ A mɩnɛ kãw a, a zũzuwr mɩ́ wa àr'ɩ a zaanʋɔra tɩ ta a bio daarɩ́ biɓaara tɛwr, bɩɩ mʋ̃tɔ̃-been nɩ tɩ̃ɩsɔw-been. Ʋlɛ wa dɛ ìre dúor wa báarɛ a, a Ɩsɩrayɛl nɩbɛ mɩ́ lo n a sɔ́r.

²² Ɛcɛ a zũzuwr mɩ́ wa tɩ àr a kpɛb-zi-sõw zu bibie ayi, cuw-been, bɩɩ zuo lɛ a, a Ɩsɩrayɛl nɩbɛ mɩ́ zɩ̃ na, bɛ bɛ mɩ́ tɩ lo a sɔ́r ɛ. A zũzuwr wa ìr do a n'a bɛ mɩ́ lɛb tɩ lo a sɔ́r.

²³ A Sore nʋɔr'ʋ mɩ́ tɩ tɩr bɛ tɛw zɩ̃, ɛ́ a ʋ nʋɔr mɩ́ tɩ tɩr bɛ lo a sɔ́r. Bɛ tɩ sàwr'ɩ a Sore nʋɔr, mɛ̃ a lɛ ʋ na tɩ ƴãw a Moyiir yel kʋ̀ bɛ a.