Sɔr-nɛ́ɛ 26 - A SƐB-SÕW

¹ a Sore tɩ yel'ɩ à ŋá kʋ̀ a Moyiir nɩ a bàwr-maalɛ Eleazaar na ɩ a Aarɔ̃ bidɛb a:

² «Nyɩ sɔ́r a Ɩsɩrayɛl lãw nɩbɛ, a yie yie. Nyɩ sɔ́r a dɛbr bɛl za na tɛr yome lɩzɛr'ɩ dɔwlɛ ɛ́ na tʋ̃ɔ́ kpɛ a sojarɩ a.»

³ Lɛ n'a a Moyiir nɩ a Eleazaar tɩ ƴɛ̀r a Ɩsɩrayɛl nɩbɛ zie, a Mowab tɩ̃talɛ na pɩɛlɩ a Zurdɛ̃ a pʋɔ, ɛ́ tori a Zeriko a. Bɛ tɩ yel bɛ nɩ à ŋá:

⁴ «Bɛ na sɔr'ɩ a dɛbr bɛl na tɛr yome lɩzɛr'ɩ dɔwlɛ a, mɛ̃ a lɛ a Sore na ƴãw a nʋɔr kʋ̀ a Moyiir a.» A Ɩsɩrayɛl nɩbɛ dɔwlʋ al na yi a Eziptɩ a n'ɩ á ŋá:

⁵ A dãw-niwn sob'ɩ a Zakɔb bidɛb-dãw Urubɛn dɔwlʋ. A Urubɛn bidɛbr yie n'a ɓã taa ɩ a dɔwlʋ ŋa: a Hanɔkɩ n'ʋ tɩ ɩ a Hanɔkɩ bʋʋrɛ be, Palu ɩ a Palu bʋʋrɛ be,

⁶ Hɛsɩron ɩ a Hɛsɩron bʋʋrɛ be, Karmi ɩ Karmi bʋʋrɛ be.

⁷ A Urubɛn bʋʋrɛ yie tɩ n'ɩ à á ŋá na tɩ tɛr dɛbr tùr-lɩz'a ayi nɩ ata dɔwlɩ kɔbr ayopõi lɩzɛr'ɩ pie (43 730) a.

⁸ A Palu bidɛb kãw na dɩ Eliyaavʋ a

⁹ tɩ n'ɩ a Nemuwɛl, Datan nɩ Abiram sãà. A Datan nɩ a Abiram tɩ n'ɩ a lãw nɩ-kaa-íri bɛl na tɩ pʋɔ a Koore nɩbɛ pʋɔ zawrɩ a Moyiir nɩ-kpɛ̃ɛnʋ, a lɛn daar a Koore nɩbɛ bɛ ŋa na tɩ gaarɛ a Sore zie a.

¹⁰ A tẽsɔw tɩ 'la n gɛ̀lɛ́ vɔl bɛ lãwnɩ a Koore, a ʋlɩ bibir a ʋ nɩbɛ za na tɩ kpi, ɛ́ vũu dɩ nɩbɛ kɔbr ayi dɔwlɩ lɩz'a ayi nɩ pie (250), a nɩ-mimie a. A tɩ wul'ɩ yã a nɩbɛ.

¹¹ Ɛcɛ a Koore bidɛbr bɛl bɛ tɩ kpi a ʋlɩ bibir nɛ ɩ.

¹² A Sɩmɩ̃ɔ dɔwlʋ yie tɩ n'ɩ á ŋá: a Nemuwɛl n'ʋ tɩ ɩ a Nemuwɛl bʋʋrɛ be, Yamin ɩ a Yamin bʋʋrɛ be, Yakin ɩ a Yakin bʋʋrɛ be,

¹³ Zera ɩ a Zera bʋʋrɛ be, Sawul ɩ a Sawul bʋʋrɛ be.

¹⁴ A Sɩmɩ̃ɔ bʋʋrɛ yie tɩ n'ɩ à á ŋá na tɩ tɛr dɛbr tùr-lɩzɛr'ɩ ayi dɔwlɩ kɔbr ayi (22 200) a.

¹⁵ A Gadɩ dɔwlʋ yie tɩ n'ɩ á ŋá: a Sefon n'ʋ tɩ ɩ a Sefon bʋʋrɛ be, Hagi ɩ a Hagi bʋʋrɛ be, Suni ɩ a Suni bʋʋrɛ be,

¹⁶ Ozini ɩ a Ozini bʋʋrɛ be, Eeri ɩ a Eeri bʋʋrɛ be,

¹⁷ Arodɩ ɩ a Arodɩ bʋʋrɛ be, Areli ɩ a Areli bʋʋrɛ be.

¹⁸ A Gadɩ bʋʋrɛ yie tɩ n'ɩ à á ŋá na tɩ tɛr dɛbr tùr-lɩz'a ayi dɔwlɩ kɔbr anũu (40 500) a.

^19-21 A Zuda dɔwlʋ yie tɩ n'ɩ á ŋá: a Sela n'ʋ tɩ ɩ a Sela bʋʋrɛ be, Perɛsɩ ɩ a Perɛsɩ bʋʋrɛ be, Zera ɩ a Zera bʋʋrɛ be. A Hɛsɩron na tɩ ɩ a Hɛsɩron bʋʋrɛ sãàkʋm-kʋra ɛ́ a Hamul ɩ a Hamul bʋʋrɛ sãàkʋm-kʋra a nɛbɛ tɩ ɓã taa ɩ a Perɛsɩ yir. A Zuda bidɛbr ayi na dɩ Ɛɛr nɩ Onan a tɩ kpi n a Kanãa.

²² A Zuda bʋʋrɛ yie tɩ n'ɩ à á ŋá na tɩ tɛr dɛbr tùr-lɩz'a ata nɩ pie nɩ ayʋɔb dɔwlɩ kɔbr anũu (76 500) a.

²³ A Ɩsakaar dɔwlʋ yie tɩ n'ɩ á ŋá: a Tola n'ʋ tɩ ɩ a Tola bʋʋrɛ be, Puwa ɩ a Puwa bʋʋrɛ be,

²⁴ Yasuvʋ ɩ a Yasuvʋ bʋʋrɛ be, Simiron ɩ a Simiron bʋʋrɛ be.

²⁵ A Ɩsakaar bʋʋrɛ yie tɩ n'ɩ à á ŋá na tɩ tɛr dɛbr tùr-lɩz'a ata dɔwlɩ túr anaar kɔbr ata (64 300) a.

²⁶ A Zabulɔ̃ dɔwlʋ yie tɩ n'ɩ á ŋá: a Serɛdɩ n'ʋ tɩ ɩ a Serɛdɩ bʋʋrɛ be, Elon ɩ a Elon bʋʋrɛ be, Yaleyɛl ɩ a Yaleyɛl bʋʋrɛ be.

²⁷ A Zabulɔ̃ bʋʋrɛ yie tɩ n'ɩ à á ŋá na tɩ tɛr dɛbr tùr-lɩz'a ata dɔwlɩ kɔbr anũu (60 500) a.

²⁸ A Zuzɛb bʋʋrɛ za nɛbɛ tɩ ɓã taa ɩ a Manase nɩ a Efarayim dɔwlʋ.

²⁹ A Manase dɔwlʋ yie tɩ n'ɩ á ŋá: a Makɩɩr'ʋ tɩ ɩ a Makɩɩr bʋʋrɛ be, ɛ́ a Makɩɩr'ʋ tɩ dɔw a Galaadɩ, ɛ́ a Galaadɩ ɩ a Galaadɩ bʋʋrɛ be.

³⁰ A Galaadɩ bʋʋrɛ yir tɩ wob'ɩ nɩbɛ bɛ ŋa ɓã taa: a Yezɛɛr'ʋ tɩ ɩ a Yezɛɛr bʋʋrɛ be, Helɛkɩ ɩ a Helɛkɩ bʋʋrɛ be,

³¹ Asiriyɛl ɩ a Asiriyɛl bʋʋrɛ be, Sekɛm ɩ a Sekɛm bʋʋrɛ be,

³² Semida ɩ a Semida bʋʋrɛ be, Hefɛɛr ɩ a Hefɛɛr bʋʋrɛ be.

³³ A Hefɛɛr bidɛb Selofeadɩ bɛ tɩ dɔw bidɛb ɛ, pɔwyaar tɛwr nɛbɛ ʋ tɩ tɛr. A bɛ yée n'ɩ á ŋá: Mala, Nowa, Hogɩla, Mɩlka nɩ Tɩrsa.

³⁴ A Manase bʋʋrɛ yie tɩ n'ɩ à á ŋá na tɩ tɛr dɛbr tùr-lɩz'a ayi nɩ pie nɩ ayi dɔwlɩ kɔbr ayopõi (52 700) a.

³⁵ A Efarayim dɔwlʋ yie tɩ n'ɩ á ŋá: a Sutela n'ʋ tɩ ɩ a Sutela bʋʋrɛ be, Bekɛɛr ɩ Bekɛɛr bʋʋrɛ be, Tahan ɩ a Tahan bʋʋrɛ be.

³⁶ A Eran bʋʋrɛ sãàkʋm-kʋra tɩ n'ɩ a Eran na ɩ Sutela bidɛb a.

³⁷ A Efarayim bʋʋrɛ yie tɩ n'ɩ à á ŋá na tɩ tɛr dɛbr tùr-lɩzɛr'ɩ pie nɩ ayi dɔwlɩ kɔbr anũu (32 500) a. A Zuzɛb bʋʋrɛ za nɛbɛ tɩ ɩ a dɔwlʋ á ŋá ayi yie.

³⁸ A Bɛ̃zamɛ dɔwlʋ yie tɩ n'ɩ á ŋá: a Bɛla n'ʋ tɩ ɩ a Bɛla bʋʋrɛ be, Asɩbɛl ɩ a Asɩbɛl bʋʋrɛ be, Ahiram ɩ a Ahiram bʋʋrɛ be,

³⁹ Sufam ɩ a Sufam bʋʋrɛ be, Hufam ɩ a Hufam bʋʋrɛ be.

⁴⁰ A Bɛla bidɛbr tɩ n'ɩ Ardɩ nɩ Naaman. A Ardɩ n'ʋ tɩ ɩ a Ardɩ bʋʋrɛ be, ɛ́ a Naaman ɩ a Naaman bʋʋrɛ be.

⁴¹ A Bɛ̃zamɛ yie tɩ n'ɩ à á ŋa na tɩ tɛr dɛbr tùr-lɩz'a ayi nɩ anũu dɔwlɩ kɔbr ayʋɔb (45 600) a.

⁴² A Dan dɔwlʋ tɩ tɛr'ɩ yir-been yõ, a Suham na tɩ ɩ a Suham bʋʋrɛ be a.

⁴³ A yir ŋa tɩ tɛr'ɩ dɛbr tùr-lɩz'a ata nɩ anaar dɔwlɩ kɔbr anaar (64 400).

⁴⁴ A Asɛɛr dɔwlʋ yie tɩ n'ɩ á ŋá: a Yimina n'ʋ tɩ ɩ Yimina bʋʋrɛ be, Yisevi ɩ Yisevi bʋʋrɛ be, Beriya ɩ a Beriya bʋʋrɛ be.

⁴⁵ A Beriya yir tɩ wob'ɩ a Ebɛɛr bʋʋrɛ nɩ a Malekiyɛl bʋʋrɛ ɓã taa.

⁴⁶ A Asɛɛr tɩ tɛr'ɩ pɔwyaa ʋ dɩ kɛ́ Sera.

⁴⁷ A Asɛɛr yie tɩ n'ɩ à á ŋa na tɩ tɛr dɛbr tùr-lɩz'a ayi nɩ pie nɩ ata dɔwlɩ kɔbr anaar (53 400) a.

⁴⁸ A Nɛfɩtali dɔwlʋ yie tɩ n'ɩ á ŋá: a Yaseyɛl n'ʋ tɩ ɩ a Yaseyɛl bʋʋrɛ be, Guni ɩ Guni bʋʋrɛ,

⁴⁹ Yesɛɛr ɩ a Yesɛɛr bʋʋrɛ be, Sɩlɛm ɩ a Sɩlɛm bʋʋrɛ be.

⁵⁰ A Nɛfɩtali yie tɩ n'ɩ à á ŋá na tɛr dɛbr tùr-lɩz'a ayi nɩ anũu dɔwlɩ kɔbr anaar (45 400) a.

⁵¹ A Ɩsɩrayɛl nɩbɛ bɛl za bɛ na tɩ sɔ́r a tɩ ɩ n dɛbr tùr-kɔbr ayʋɔb nɩ been dɔwlɩ kɔbr ayopõi lɩzɛr'ɩ pie (601 730).

A lɛ bɛ na na põ a Kanãa tẽw a

⁵² A Sore tɩ yel'ɩ a Moyiir à ŋá:

⁵³ «A dɔwlʋ n'a bɛ na põ a tẽw kʋ̀, ɛ́ mɩ́ bãwnɩ a nɩbɛ nʋɔr:

⁵⁴ dɔwlʋ za na mɩ́ páw nɩ zie man nɩ a ʋ nɩbɛ bɛ na sɔ́r a nʋɔr. Dɔwlʋ a nɩbɛ na yãwmɛ a na páw nɩ zie ʋ yɛlmɛ zuo dɔwlʋ a nɩbɛ na ɩ pʋrɩ a.

⁵⁵ Bɛlɛ saa na mɩ́ bãwnɩ dɔwlʋ za nɩbɛ nʋɔr a, ɛcɛ gbãw n'ʋ bɛ na ŋmɛ põ nɩ a tẽw.

⁵⁶ Gbãw n'ʋ bɛ na ŋmɛ, bãw a ziir al bɛ na na kʋ̀ a dɔwlʋ al na bɛrmɛ a, nɩ a al bɛ na na kʋ̀ a dɔwlʋ al na ɩ pʋrpʋr a.»

A Levi dɔwlʋ nɩbɛ sɔ́rʋ ayi sob

⁵⁷ A yie bɛ na tɩ sɔ́r a Levi dɔwlʋ pʋɔ a n'ɩ á ŋá: a Gɛrson n'ʋ tɩ ɩ a Gɛrson bʋʋrɛ be, Kehatɩ ɩ a Kehatɩ bʋʋrɛ be, Merari ɩ a Merari bʋʋrɛ be.

⁵⁸ A yie á ŋá mɩ̀ tɩ bʋ́r bʋ́r a: a Livini bʋʋrɛ, a Ebrɔ̃ bʋʋrɛ, a Mali bʋʋrɛ, a Musi bʋʋrɛ nɩ a Koore bʋʋrɛ. A Kehatɩ tɩ n'ɩ a Amɩram sãà.

⁵⁹ A Amɩram tɩ kul'ɩ Yokevɛdɩ na ɩ Levi pɔwyaa ʋ na dɔw Eziptɩ a. A Yokevɛdɩ tɩ dɔw nɩ bibiir ata kʋ̀ a Amɩram: Aarɔ̃, Moyiir nɩ a bɛ yeepuule Miriyam.

⁶⁰ A Aarɔ̃ tɩ dɔw nɩ bidɛbr anaar: Nadavʋ, Avihu, Eleazaar nɩ Itamaar.

⁶¹ Ɛcɛ a Nadavʋ nɩ a Avihu tɩ kpi n a lɛn daar bɛ na tɩ nyɩw parfɛ̃ vũu-sãsaralɛ kʋ̀ a Sore a.

⁶² A dɛbr za nɩ a dɛbli bɛl za na tɛr cuw-been nɩ dɔwlɛ ɛ́ ɩ levitɩ mɩnɛ a nʋɔr tɩ ɩ n tùr-lɩzɛr'ɩ ata (23 000). Bɛ bɛ tɩ sɔ́r bɛ lãwnɩ a Ɩsɩrayɛl nɩbɛ ŋmãa ɩ. Bʋ̃ʋ n'ʋ vɛ̃, a levitɩ mɩnɛ bɛ tɩ tɛr sɔ́r na tɛr tẽsɔw a Ɩsɩrayɛl nɩbɛ sɔgɔ ɩ.

A sɔ́rʋ nʋɔr-kʋb

⁶³ À à ŋá n'a a Moyiir nɩ a bàwr-maalɛ Eleazaar tɩ sɔ́r a Ɩsɩrayɛl nɩbɛ nyɛ̃ a Mowab tɩ̃talɛ na pɩɛlɩ a Zurdɛ̃ ɛ́ tori a Zeriko a pʋɔ.

⁶⁴ A bɛ pʋɔ a, a nɩbɛ bɛl a Moyiir nɩ a bàwr-maalɛ Aarɔ̃ na tɩ sɔ́r a Sinayi wɛja-kpalɛ pʋɔ a, a bɛ been kãw za bɛ tɩ cãà be ɩ.

⁶⁵ Bʋ̃ʋ n'ʋ vɛ̃, a Sore tɩ yel'a kʋ̀ bɛ kɛ́ bɛ na kpi n a wɛja-kpalɛ pʋɔ. A lɛ n'a bɛ been kãw za bɛ tɩ cɛ, alɛ bɛ ɩ Yefune bidɛb Kalɛb, nɩ Nun bidɛb Zozue ɩ.