Sɔr-nɛ́ɛ 2 - A SƐB-SÕW

A dɔwlʋ dɔwlʋ ziir a laɩ pʋɔ

¹ A Sore tɩ yel'ɩ a Moyiir nɩ a Aarɔ̃ à ŋá:

² «Ɩsɩrayɛl nɩr za na mɩ́ maal'ɩ a ʋ pɛn-sɛw pɩɛlɩ a ʋ zɛbr-nɩbɛ nɩ-pɛ́ɛ na ɓã taa a dɩrapo, nɩ a ʋ dɔwlʋ dɩrapo. Bɛ na mɩ́ maal'ɩ a laɩ jil koli a tuor-taa pɛn-sɛw, ɛ́ zãá nɩ ʋ blã.

³ A saa-pɛrɩ́ a, a na ɩ n a zɛbr-nɩbɛ nɩ-pɛ́ɛ na ɓã taa jil koli a Zuda dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Zuda dɔwlʋ nɩ-kpɛ̃ɛ: Aminadab bidɛb, Nason.

⁴ A ʋ zɛbr-nɩbɛ ɩ n 74 600.

⁵ Ɩsakaar dɔwlʋ nɩ-kpɛ̃ɛ: Suwaar bidɛb, Netanɛl.

⁶ A ʋ zɛbr-nɩbɛ ɩ n 54 400.

⁷ Zabulɔ̃ dɔwlʋ nɩ-kpɛ̃ɛ: Helon bidɛb Eliyaavʋ.

⁸ A ʋ zɛbr-nɩbɛ ɩ n 57 400.

⁹ A na ɩ à ŋá a, a zɛbr-nɩbɛ nɩ-pɛ́ɛ na ɓã taa ɩ a Zuda zɛbr-nɩbɛ a, na ɩ n 186 400. Bɛlɛ nɛbɛ na mɩ́ de niwn lo a sɔ́r.

¹⁰ A saa-pɛrɩ́-dʋrʋ-lowr a, a na ɩ n a zɛbr-nɩbɛ nɩ-pɛ́ɛ na ɓã taa jil koli Urubɛn dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Urubɛn dɔwlʋ nɩ-kpɛ̃ɛ: Sedewuur bidɛb, Elisuur.

¹¹ A ʋ zɛbr-nɩbɛ ɩ n 46 500.

¹² Sɩmɩ̃ɔ dɔwlʋ nɩ-kpɛ̃ɛ: Suurisadaɩ bidɛb, Selumiyɛl.

¹³ A ʋ zɛbr-nɩb, ɩ n 59 300.

¹⁴ Gadɩ dɔwlʋ nɩ-kppɛ̃ɛ: Dewuyɛl bidɛb, Eliyasafʋ.

¹⁵ A ʋ zɛbr-nɩbɛ ɩ n 45 650.

¹⁶ A na ɩ à ŋá a, a zɛbr-nɩbɛ nɩ-pɛ́ɛ na ɓã taa ɩ a Urubɛn zɛbr-nɩbɛ a na ɩ n 151 450. Bɛlɛ nɛbɛ na mɩ́ lo a sɔ́r tu.»

¹⁷ «Al pùorí, a Levi bʋʋrɛ na lo n a sɔ́r tu nɩ a tuor-taa pɛn-sɛw. A na ɩ lɛ a, bɛ na be n a ziir anaar a zɛbr-nɩbɛ na mɩ́ duo a sɔwlɩsɔw, a ayi na de a niwn a, nɩ a ayi na pàw a pùor a cara pʋɔ. Bɛ mɩ̀ na cere na tuur taa, ŋa za a ʋ pal pʋɔ, mɛ̃ a lɛ bɛ na mɩ́ maalɩ a bɛ laɩ a, tu n a bɛ dɔwlʋ dɩrapo.»

¹⁸ «A mʋ̃tɔ̃w-kpɛb-lowr a, a na ɩ n a zɛbr-nɩbɛ nɩ-pɛ́ɛ na ɓã taa jil koli Efarayim dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Efarayim dɔwlʋ nɩ-kpɛ̃ɛ: Amihudɩ bidɛb, Elisama.

¹⁹ a ʋ zɛbr-nɩbɛ ɩ n 40 500.

²⁰ Manase dɔwlʋ nɩ-kpɛ̃ɛ: Pedasuur bidɛb, Gamaliyɛl.

²¹ A ʋ zɛbr-nɩbɛ ɩ n 32 200.

²² Bɛ̃zamɛ dɔwlʋ nɩ-kpɛ̃ɛ: Gideoni bidɛb, Avidan.

²³ A ʋ zɛbr-nɩbɛ ɩ n 35 400.

²⁴ A na ɩ à ŋá a, a zɛbr-nɩbɛ nɩ-pɛ́ɛ na ɓã taa ɩ a Efarayim zɛbr-nɩbɛ a, na ɩ n 108 100. Bɛlɛ nɛbɛ na mɩ́ cen tu a Levi bʋʋrɛ.

²⁵ A saa-pɛrɩ́-gʋba-lowr a, a na ɩ n a zɛbr-nɩbɛ nɩ-pɛ́ɛ na ɓã taa jil koli Dan dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Dan dɔwlʋ n, i-kpɛ̃ɛ: Amisadaɩ bidɛb, Ahiezɛɛr.

²⁶ A ʋ zɛbr-nɩbɛ ɩ n 62 700.

²⁷ Asɛɛr dɔwlʋ nɩ-kpɛ̃ɛ: Okiran bidɛb Pagiyel.

²⁸ A ʋ zɛbr-nɩbɛ ɩ n 41 500.

²⁹ Nɛfɩtali dɔwlʋ nɩ-kpɛ̃ɛ: Einan bidɛb, Ahira.

³⁰ A ʋ zɛbr-nɩbɛ ɩ n 53 400.

³¹ A na ɩ à ŋá a, a zɛbr-nɩbɛ nɩ-pɛ́ɛ na ɓã taa ɩ a Dan zɛbr-nɩbɛ a na ɩ n 157 600. Bɛlɛ nɛbɛ na mɩ́ pàw a pɛr.» «Bɛ za na mɩ́ lo n a sɔ́r, ɛ́ ɓã taa jil koli a bɛ dɩrapori.»

³² A Ɩsɩrayɛl nɩbɛ bɛ na tɩ sɔ́r a yie yie nɩ a zɛbr-nɩbɛ nɩ-pɛ́ɛ na ɓã taa a, bɛ za tɩ ɩ n 603 550.

³³ Bɛ bɛ tɩ sɔ́r a Levi bʋʋrɛ lãwnɩ a Ɩsɩrayɛl nɩbɛ ŋmãa ɩ. À ŋá n'a a Sore tɩ yel kʋ̀ a Moyiir k'ʋʋ ɩ.

³⁴ A Ɩsɩrayɛl nɩbɛ mɩ́ tɩ ɩ n a lɛ tɔr za a Sore na yel kʋ̀ a Moyiir a: bɛ mɩ́ tɩ duo nɩ a bɛ dɩrapori pɛr, ɛ́ lore a sɔ́r tuur a lɛ bɛ na yel a, dɔwlʋ dɔwlʋ nɩ yie yie.