Neemi 7 - A SƐB-SÕW

A Neemi manɩ nɩ a lɛ bɛ na na gù a Zerizalɛm a

¹ A dacĩ-kpɛ̃ɛ na tɩ lɛb mɛ baar, ɛ́ a dɩ̃dɛɛ pamɛ ƴãw baar'a, bɛ tɩ lɛb'a de a dɩ̃dɔ-gùrbɛ, a yiel-yielbɛ nɩ a levitɩ mɩnɛ tõ-nɛ́ɛ kʋ̀ bɛ.

² Ɩ̃ tɩ kaa na ír a ɩ̃ yɛb Hanani k'ʋʋ kaarɛ a Zerizalɛm zie, ʋlɛ nɩ Hananɩa na ɩ a zɛbr-yir-kpɛ̃w sojarɩ nɩ-kpɛ̃ɛ a, nɩr bɛ na kʋ̃ tʋ̃ɔ́ bʋ́nɛ nɩ, ʋʋ zɔrɛ a Naaŋmɩn zuo nɩbɛ yaga a.

³ Ɩ̃ tɩ yel bɛ na: «A tẽw dɩ̃dɛɛ bɛ yuore, a mʋ̃tɔ̃w bɛ wa wone ƴãw sɛr a ɩ. A zaanʋɔra a, bɛ na mɩ́ pàw nɩ a pamɛ ƴãw a kparɩ, ɛ́ a dɩ̃dɔ-gùrbɛ bãw siw a tome. Bɛ na ƴãw nɩ a Zerizalɛm tẽw dem gùre a tẽw lɩɛrɛ taa, bɛ mɩnɛ tɛr a bɛ gub zie, ɛ́ bɛ mɩnɛ gùre a bɛ yie.»

A Zifʋ mɩnɛ na lɛb wa a Palɛsin a yée

⁴ A Zerizalɛm tẽw na saa tɩ yɛlmɛ a, a ʋ nɩbɛ bɛ tɩ yãwmɛ ɩ. Yie a mɩnɛ bɛ tɩ ŋma sɛr ɛ.

⁵ A ɩ̃ Naaŋmɩn tɩ ƴãw mɛ̃ nɩ tɩɛrʋ k'ɩ̃ɩ bʋɔlɩ a nɩ-yée, a tẽw nɩ-bɛrɛ nɩ a nɩbɛ za ɓã taa sɔ́r bɛ. Ɩ̃ tɩ jɩ́r'ɩ a sɛbɛ ʋl pʋɔ bɛ na sɛb a bɛlɩ dem na de niwn yi a diw-cenu zie lɛb wa a yée, à ŋá n'a ɩ̃ tɩ nyɛ̃ bɛ sɛb:

⁶ A yie dɔwlʋ al a Babɩlɔn tẽw nãà Nabikodonozɔɔr na tɩ diw cen nɩ a, a yaga zie tɩ lɛb'a wa a Zerizalɛm nɩ a Zuda tẽw. Ŋa za mɩ́ tɩ lɛb'a cen a ʋ tẽ-kpɛ̃ɛ pʋɔ.

⁷ Bɛlɛ n'ɩ bɛ ŋa: Zorobabɛl, Zozue, Neemɩa, Azarɩa, Aramɩa, Nahamani, Mɔrdokaɩ, Bilsan, Misɩperɛtɩ, Bigɩwaɩ, Nehum, nɩ Baana. A bɛ ŋa nɛbɛ tɩ lɛb wa. Nyɛ̃ a lɛ a Ɩsɩrayɛl nɩbɛ nɩ a bɛ nʋɔr na sɛb tu taa a:

⁸ Pareɔsɩ dɔwlʋ nɩbɛ: túr-ayi dɔwlɩ lɩz'a ani nɩ pie nɩ ayi (2 172).

⁹ Sefatɩa dɔwlʋ nɩbɛ: kɔbr ata dɔwlɩ lɩz'a ata nɩ pie nɩ ayi (372).

¹⁰ Aara dɔwlʋ nɩbɛ: kɔbr ayʋɔb dɔwlɩ lɩz'a ayi nɩ pie nɩ ayi (652).

¹¹ Pahatɩ-Mowab dɔwlʋ na ɩ Yesua nɩ Yoavʋ bʋʋrɛ a: nɩbɛ túr-ayi dɔwlɩ kɔbr ani nɩ pie nɩ ani (2 818).

¹² Elam dɔwlʋ nɩbɛ: túr dɔwlɩ kɔbr ayi lɩz'a ayi nɩ pie nɩ anaar (1 254).

¹³ Zatu dɔwlʋ nɩbɛ: kɔbr ani dɔwlɩ lɩz'a ayi nɩ anũu (845).

¹⁴ Zakaɩ dɔwlʋ nɩbɛ: kɔbr ayopõi dɔwlɩ lɩz'a ata (760).

¹⁵ Binuwi dɔwlʋ nɩbɛ: kɔbr ayʋɔb dɔwlɩ lɩz'a ayi nɩ ani (648).

¹⁶ Bevaɩ dɔwlʋ nɩbɛ: kɔbr ayʋɔb dɔwlɩ lɩzɛr'ɩ ani (628).

¹⁷ Azɩgadɩ dɔwlʋ nɩbɛ: túr-ayi dɔwlɩ kɔbr ata nɩ lɩzɛr'ɩ ayi (2 322).

¹⁸ Adonikam dɔwlʋ nɩbɛ: kɔbr ayʋɔb dɔwlɩ lɩz'a ata nɩ ayopõi (667).

¹⁹ Bigɩwaɩ dɔwlʋ nɩbɛ: túr-ayi dɔwlɩ lɩz'a ata nɩ ayopõi (2 067).

²⁰ Adin dɔwlʋ nɩbɛ: kɔbr ayʋɔb dɔwlɩ lɩz'a ata ŋmãa anũu (655).

²¹ Atɛɛr dɔwlʋ nɩbɛ na ɩ Hizikiya bʋʋrɛ a: lɩz'a anaar nɩ pie nɩ ani.

²² Hasum dɔwlʋ nɩbɛ: kɔbr ata dɔwlɩ lɩzɛr'ɩ ani (328).

²³ Besaɩ dɔwlʋ nɩbɛ: kɔbr ata dɔwlɩ lɩzɛr'ɩ anaar (324).

²⁴ Harifʋ dɔwlʋ nɩbɛ: kʋba nɩ pie nɩ ayi (112).

²⁵ Gabaɔ̃ tẽw nɩbɛ: kʋba ŋmãa anũu.

²⁶ Bɛtɩlɛm nɩ Netofa ten nɩbɛ: kɔbr ayi vʋ̃ɔ lɩzɛr dɔwlɩ ani (188).

²⁷ Anatɔtɩ tẽw nɩbɛ: lɩz'a ayʋɔb nɩ ani (128).

²⁸ Bɛtɩ-Azɩmawɛtɩ tẽw nɩbɛ: lɩz'a ayi nɩ ayi.

²⁹ Kɩrɩyatɩ-Yeyarim, Kefɩɩra nɩ Beerɔtɩ ten nɩbɛ: kɔbr ayopõi dɔwlɩ lɩz'a ayi nɩ ata (743).

³⁰ Arama nɩ Geva ten nɩbɛ: kɔbr ayʋɔb dɔwlɩ lɩzɛr'ɩ been (621).

³¹ Mikɩmasɩ tẽw nɩbɛ: lɩz'a ayʋɔb nɩ ayi (122).

³² Betɛl nɩ Aɩ ten nɩbɛ: lɩz'a ayʋɔb nɩ ata (123).

³³ Nebo tẽw kãw nɩbɛ: lɩz'a ayi nɩ pie nɩ ayi.

³⁴ Elam ƴen sob dɔwlʋ nɩbɛ: túr dɔwlɩ kɔbr ayi lɩz'a ayi nɩ pie nɩ anaar (1 254).

³⁵ Harim dɔwlʋ nɩbɛ: kɔbr ata dɔwlɩ lɩzɛr (320).

³⁶ Zeriko tẽw nɩbɛ: kɔbr ata dɔwlɩ lɩz'a ayi nɩ anũu (345).

³⁷ Lɔdɩ, Hadidɩ nɩ Ono tẽli nɩbɛ kɔbr ayopõi dɔwlɩ lɩzɛr'ɩ been (721).

³⁸ Senaa tẽ-kpɛ̃ɛ nɩbɛ: túr ata dɔwlɩ kɔbr awaɩ dɔwlɩ lɩzɛr'ɩ pie (3 930).

³⁹ a bàwr-maalbɛ: Yedidɩa dɔwlʋ pʋɔ, Zozue bʋʋrɛ nɩbɛ: túr vʋ̃ɔ kʋba dɔwlɩ lɩz'a ata nɩ pie nɩ ata (973).

⁴⁰ Ɩmɛɛr dɔwlʋ nɩbɛ túr dɔwlɩ lɩz'a ayi nɩ pie nɩ ayi (1 052).

⁴¹ Pasehuur dɔwlʋ nɩbɛ: túr dɔwlɩ kɔbr ayi lɩz'a ayi nɩ ayopõi (1 247).

⁴² Harim dɔwlʋ nɩbɛ: túr dɔwlɩ pie nɩ ayopõi (1 017).

⁴³ A levitɩ mɩnɛ: Yesua, Kadɩmɩɛl, Binuwi nɩ Hodɩwa dɔwlʋ nɩbɛ: lɩz'a ata nɩ pie nɩ anaar.

⁴⁴ A Ŋmɩn-yir-kpɛ̃ɛ pʋɔ yiel-yielbɛ: Asafʋ dɔwlʋ nɩbɛ: lɩz'a ayopõi nɩ ani (148).

⁴⁵ A dɩ̃dɔ-gùrbɛ: Salum, Atɛɛr, Talmon, Akuvʋ, Hatita nɩ Sovaɩ dɔwlʋ nɩbɛ: lɩz'a ayʋɔb nɩ pie nɩ ani (138).

⁴⁶ A Ŋmɩn-yir-kpɛ̃ɛ tõ-tõ-biir: Siha, Hasufa, Tabawɔtɩ,

⁴⁷ Kerɔsɩ, Sɩa, Padon,

⁴⁸ Levana, Hagava, Salmaɩ,

⁴⁹ Hanan, Gidɛl, Gahaar,

⁵⁰ Ereaya, Eresin, Nekoda,

⁵¹ Gazam, Uza, Pasea,

⁵² Besaɩ, Meunim, Nefisisim,

⁵³ Bakɩbukɩ, Hakufa, Harhuur,

⁵⁴ Basɩlitɩ, Mehida, Harsa,

⁵⁵ Barkɔsɩ, Sɩsera, Tama,

⁵⁶ Nesɩa nɩ Hatifa bʋʋrɛ tɩ nɛbɛ.

⁵⁷ A Salomɔ̃ tõ-tõ-biir bʋʋrɛ n'ɩ bɛ ŋa: Sotaɩ, Soferɛtɩ, Perida,

⁵⁸ Yaala, Darkon, Gidɛl,

⁵⁹ Sefatɩa, Hatil, Pokerɛtɩ-Ha-Sevayim nɩ Amɔ̃ bʋʋrɛ tɩ nɛbɛ.

⁶⁰ A Ŋmɩn-yir-kpɛ̃ɛ tõ-tõ-biir nɩ a Salomɔ̃ tõ-tõ-biir bʋʋrɛ na tɩ ɓã taa a, bɛ tɩ ɩ n nɩbɛ kɔbr ata dɔwlɩ lɩz'a anaar nɩ pie nɩ ayi (392).

⁶¹ A nɩbɛ na tɩ yi a Tɛl-Mela, Tɛl-Harsa, Kerub-Adon nɩ Ɩmɛɛr ten pʋɔ bɛ na tɩ diw bɛ cen nɩ a, lɛb wa a, bɛ tɩ tʋ̃ɔ́ manɩ wul vla k'aa bɛ sãàkʋm-kore pʋɔ nɩ a Ɩsɩrayɛl bʋʋrɛ pʋɔ ɩ:

⁶² bɛ za tɩ ɩ n kɔbr ayʋɔb dɔwlɩ lɩz'a ayi nɩ ayi (642), ɛ́ ɩ Delaya, Toviya nɩ Nekoda bʋʋrɛ.

⁶³ Bàwr-maalbɛ bɛ mɩnɛ yele mɩ̀ tɩ ŋmɛ̃ n a lɛ: Hovaya, Hakɔsɩ nɩ Barzilaɩ bʋʋrɛ tɩ nɛbɛ. Bɛ tɩ bʋɔlɛ nɩ a Barzilaɩ à à ŋá, ʋ na tɩ kul Barzilaɩ na yi Galaadɩ a pɔwyaa kãw a ƴãw.

⁶⁴ Bɛ tɩ bɔ n a sɛbr al pʋɔ a bɛ sãàkʋm-kore yée na sɛb a tɩ gù. Lɛ n'a bɛ tɩ yel kɛ́ bɛ ɩ n dɛwr dem, ɛ́ diw bɛ bɛr a bàwr-maalɛ tome tob ƴãw.

⁶⁵ A na-kpɛ̃ɛ-lɩɛrɛ tɔr za tɩ yel'a kʋ̀ bɛ kɛ́ bɛ taa dɩrɛ bàwr-maal-bome ɩ, ɛ́ gù a bàwr-maalɛ tɩ lɔb a kpan-bie bãw a bɛ yele.

⁶⁶ A Ɩsɩrayɛl nɩbɛ za na tɩ yi a diw-cenu zie lɛb wa a nʋɔr tɩ ɩ n tùr-lɩz'a ayi nɩ a ayi dɔwlɩ kɔbr ata lɩz'a ata (42 360).

⁶⁷ Bɛ tɩ tɛr'ɩ tõ-tõ-bi-dɛbr nɩ tõ-tõ-bi-pɔwbɛ túr ayopõi dɔwlɩ kɔbr ata lɩzɛr'ɩ pie nɩ a ayopõi (7 337), yiel-yielbɛ dɛbr nɩ pɔwbɛ kɔbr ayi dɔwlɩ lɩz'a ayi nɩ anũu (245),

⁶⁸ nɩ nyɔ̃wmɩ kɔbr anaar dɔwlɩ lɩz'a ayi ŋmãa anũu (435) nɩ bòn túr ayʋɔb dɔwlɩ kɔbr ayopõi dɔwlɩ lɩzɛr (6 720).

⁶⁹ A yie nɩ-bɛrɛ bɛ mɩnɛ tɩ tɩr'ɩ bome a Ŋmɩn-yir-kpɛ̃ɛ lɛb-mɛb ƴãw. A na-kpɛ̃ɛ-lɩɛrɛ tɩr'ɩ salm-zɩɛ libie túr (1 000), koli-nyúuri lɩz'a ayi nɩ pie, bàwr-maalbɛ kpa-wowr lɩzɛr'ɩ pie nɩ salm-pla kilo kɔbr ayi dɔwlɩ lɩz'a ayi nɩ pie (250).

⁷⁰ A yie nɩ-bɛrɛ bɛl tɩ tɩr'ɩ salm-zɩɛ libie tùr-lɩzɛr (20 000) nɩ salm-pla kilo túr'ɩ kʋba (1 100).

⁷¹ A Ɩsɩrayɛl nɩbɛ na cɛ a tɩ tɩr'ɩ salm-zɩɛ libie tùr-lɩzɛr (20 000), salm-pla kilo túr (1 000) nɩ bàwr-maalbɛ kpar-wowr lɩz'a ata nɩ ayopõi.

⁷² A bàwr-maalbɛ, a levitɩ mɩnɛ, a dɩ̃dɔ-gùrbɛ, a yiel-yielbɛ, nɩ a Ɩsɩrayɛl nɩbɛ bɛ mɩnɛ, mɛ̃ a Ŋmɩn-yir-kpɛ̃ɛ tõ-tõ-biir nɩ a nɩbɛ ŋmãa na cɛ a, tɩ kpɩɛr'ɩ a bɛ tẽ-bɛrɛ pʋɔ. A yũon cuwr ayopõi sob na wa ta a, a Ɩsɩrayɛl nɩbɛ za tɩ yi n a bɛ tẽ-bɛrɛ pʋɔ bɛ na zɩ̃ a, wa.