A Zɔb sɛbɛ 25 - A SƐB-SÕW

A Bɩldaadɩ ƴɛ̀r'ɩ a Zɔb zie a gb'a ata sob

¹ Lɛ n'a a Bɩldaadɩ na yi Suwa a, tɩ de a ƴɛ̀rʋ yel a Zɔb:

² A Naaŋmɩn so a naalʋ-dɩb na ɩ kpɛ̃ɛ ɛ́ ɩrɛ dɛ̃bɩ̃ɛ a, ʋlɛ n'ʋ mɩ́ ɩ a ƴã-ɓaarʋ be be tɩ tɔ a salom saa-zu za.

³ Ãa n'ʋ na tʋ̃ɔ́ sɔ́r bãw a ʋ zɛbr-nɩbɛ nʋɔr? Ɛ́ ãa n'ʋ a ʋ mʋ̃tɔ̃w cãà bɛ caalɛ?

⁴ Ŋmɩŋmɩn n'a nɩsaal na ɩ mɩŋa sob Naaŋmɩn niŋé? Ŋmɩŋmɩn n'a a pɔw bʋ̃-dɔwra na yel k'ʋʋ vɩɛl'ɩ za?

⁵ A cuw tɔr za bɛ wa pɛlɩ a ʋ zie a, ɛ́ a ŋmar-bie bɛ wa nyɩwrɛ a ʋ zie a,

⁶ ŋmɩŋmɩn n'a a na ŋmɛ̃ a nɩsaal ƴãw? ʋl na ɩ zãzul, zãzul-pɩɩla a!