Ɩzayi 12 - A SƐB-SÕW

Barka puoru

¹ Nɩ-bʋʋrɛ bɛ na faa a, nyɩ na yel'ɩ a ʋlɩ bibir nɛ: «Sore e, tɩ puore fʋ nɩ barka. Bʋ̃ʋ n'ʋ vɛ̃, fʋ tɩ nyɛ̃ nɩ tɩ nɩ suur, ɛcɛ a fʋ suur ɓãa na, ɛ́ fʋ mɔwlɛ tɩ.

² Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

³ Nyɩ na 'wɔ̃w nɩ kʋ̃ɔ nɩ nʋ̃ɔ̀ a faafʋ bul-nɛ́ɛ ƴãw.

⁴ A ʋlɩ bibir nɛ a, nyɩ na yere na: «Nyɩ puore a Sore barka, nyɩ hiere a ʋ yúor, nyɩ manɛ a ʋ tome a nɩ-bʋʋrɛ sɔgɔ, nyɩ lɛb yel a ʋ yúor na ɩ kpɛ̃ɛ a.

⁵ Nyɩ yiele a Sore ƴãw, bʋ̃ʋ n'ʋ vɛ̃, ʋ maal'ɩ yel-bɛrɛ. Nyɩ ɩ a tẽ-daa za bãw a!»

⁶ Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.