A naaŋmɩn-ƴèr-manɛ Oze sɛbɛ 3 - A SƐB-SÕW

A Oze lɛb'a de a ʋ pɔw, ɛ́ ɩ ʋ kaa

¹ A Sore tɩ yel mɛ̃ na: «Lɛb maal nɔ̃w a pɔw ŋa na nɔnɛ dɛb-yũo, ɛ́ tone pɩ̃ɔ tome a. Nɔ̃w ʋ mɛ̃ a lɛ a mãa Sore na nɔ̃w a Ɩsɩrayɛl bibiir, ɛ́ bɛ ŋmɛlɛ kpaar cɔwr mɛ̃, ɛ́ tuur ŋmɩn yoru a. Bɛ ŋmɛlɛ nɩ kpaar cɔwr mɛ̃, ɛ́ bɛ nyɛrɛ a divɛ̃ tɩ-wɔmɛ sɛ̃sɛ̃ zie ɩ.»

² Ɩ̃ tɩ lɛb'a de ʋ nɩ salm-pla libi-ɓɛlɛ pie nɩ anũu nɩ ɔɔzʋ litɩr kɔbr ayʋɔb (600).

³ Ɛ́ ɩ̃ tɩ yel ʋ: «Bɛr a pɔw-yɛm tome, bɛr a dɛb-yũo tub, ɛ́ be a ɩ̃ zie kɔwrɩ. Ɩ̃ mɩ̀ na ɩ n a lɛ a fʋ zie.»

⁴ À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

⁵ Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.