Ɛsɩdɩrasɩ 2 - A SƐB-SÕW

A Zifʋ bɛl na yi a Babɩlɔn lɛb wa a Palɛsin a

¹ A Zifʋ bɛl a Babɩlɔn tẽw nãà, Nabikodonozɔɔr, na tɩ diw cen nɩ a Babɩlɔn a, nɩ-yaga a bɛ pʋɔ tɩ lɛb'a wa a Zerizalɛm nɩ a Zuda tẽw. Ŋa za mɩ́ tɩ lɛb'a cen a ʋ tẽw pʋɔ.

² Bɛlɛ nɩ Zorobabɛl nɩ Zozue nɩ Neemɩa nɩ Seraya nɩ Erelaya nɩ Mɔrdokaɩ nɩ Bilsan nɩ Misɩpaar nɩ Bigɩwaɩ nɩ Erehum nɩ Baana nɛbɛ tɩ lɛb wa. A bɛ yée nɩ a Ɩsɩrayɛl nɩbɛ nʋɔr na sɛb tu taa a n'ɩ á ŋá:

³ Pareɔsɩ dɔwlʋ nɩbɛ: túr-ayi dɔwlɩ lɩz'a ani nɩ pie nɩ ayi (2 172).

⁴ Sefatɩa dɔwlʋ nɩbɛ: kɔbr ata dɔwlɩ lɩz'a ata nɩ pie nɩ ayi (372).

⁵ Aara dɔwlʋ nɩbɛ: kɔbr ayopõi dɔwlɩ lɩz'a anaar ŋmãa anũu (775).

⁶ Pahatɩ-Mowab dɔwlʋ nɩbɛ na ɩ Yesua nɩ Yoavʋ bʋʋrɛ a: túr-ayi dɔwlɩ kɔbr ani nɩ pie nɩ ayi (2 812).

⁷ Elam dɔwlʋ nɩbɛ: túr dɔwlɩ kɔbr ayi lɩz'a ayi nɩ pie nɩ anaar (1 254).

⁸ Zatu dɔwlʋ nɩbɛ: túr vʋ̃ɔ kʋba dɔwlɩ lɩz'a ayi nɩ anũu (945).

⁹ Zakaɩ dɔwlʋ nɩbɛ: kɔbr ayopõi dɔwlɩ lɩz'a ata (760).

¹⁰ Bani dɔwlʋ nɩbɛ: kɔbr ayʋɔb dɔwlɩ lɩz'a ayi nɩ ayi (642).

¹¹ Bevaɩ dɔwlʋ nɩbɛ: kɔbr ayʋɔb dɔwlɩ lɩzɛr'ɩ ata (623).

¹² Azɩgadɩ dɔwlʋ nɩbɛ: túr dɔwlɩ kɔbr ayi lɩzɛr'ɩ ayi (1 222).

¹³ Adonikam dɔwlʋ nɩbɛ: kɔbr ayʋɔb dɔwlɩ lɩz'a ata nɩ ayʋɔb (666).

¹⁴ Bigɩwaɩ dɔwlʋ nɩbɛ: túr-ayi dɔwlɩ lɩz'a ayi nɩ pie nɩ ayʋɔb (2 056).

¹⁵ Adin dɔwlʋ nɩbɛ: kɔbr anaar dɔwlɩ lɩz'a ayi nɩ pie nɩ anaar (454).

¹⁶ Atɛɛr dɔwlʋ nɩbɛ na ɩ Yehizikiya bʋʋrɛ a: lɩz'a anaar nɩ pie nɩ ani.

¹⁷ Besaɩ dɔwlʋ nɩbɛ: kɔbr ata dɔwlɩ lɩzɛr'ɩ ata (323).

¹⁸ Yoora dɔwlʋ nɩbɛ: kʋba nɩ pie nɩ ayi (112).

¹⁹ Hasum dɔwlʋ nɩbɛ: kɔbr ayi dɔwlɩ lɩzɛr'ɩ ata (223).

²⁰ Gibaar dɔwlʋ nɩbɛ: kʋba ŋmãa anũu.

²¹ Bɛtɩlɛm tẽw nɩbɛ: lɩz'a ayʋɔb nɩ ata (123).

²² Netofa tẽw nɩbɛ: lɩz'a ayi nɩ pie nɩ ayʋɔb.

²³ Anatɔtɩ tẽw nɩbɛ: lɩz'a ayʋɔb nɩ ani (128).

²⁴ Azɩmawɛtɩ tẽw nɩbɛ: lɩz'a ayi nɩ ayi.

²⁵ Kɩrɩyatɩ-Arim, Kefɩɩra nɩ Beerɔtɩ ten nɩbɛ: kɔbr ayopõi dɔwlɩ lɩz'a ayi nɩ ata (743).

²⁶ Arama nɩ Geva ten nɩbɛ: kɔbr ayʋɔb dɔwlɩ lɩzɛr'ɩ been (621).

²⁷ Mikɩmasɩ tẽw nɩbɛ: lɩz'a ayʋɔb nɩ ayi (122).

²⁸ Betɛl nɩ Aɩ ten nɩbɛ: kɔbr ayi dɔwlɩ lɩzɛr'ɩ ata (223).

²⁹ Nebo tẽw nɩbɛ: lɩz'a ayi nɩ pie nɩ ayi.

³⁰ Magibisɩ tẽw nɩbɛ: lɩz'a ayopõi nɩ pie nɩ ayʋɔb (156).

³¹ Elam kãw dɔwlʋ nɩbɛ: túr dɔwlɩ kɔbr ayi lɩz'a ayi nɩ pie nɩ anaar (1 254).

³² Harim dɔwlʋ nɩbɛ: kɔbr ata dɔwlɩ lɩzɛr (320).

³³ Lɔdɩ, Hadidɩ nɩ Ono ten nɩbɛ: kɔbr ayopõi dɔwlɩ lɩzɛr'ɩ a anũu (725).

³⁴ Zeriko tẽ-kpɛ̃ɛ nɩbɛ: kɔbr ata dɔwlɩ lɩz'a ayi nɩ anũu (345).

³⁵ Senaa tẽ-kpɛ̃ɛ nɩbɛ: túr ata dɔwlɩ kɔbr ayʋɔb lɩzɛr'ɩ pie (3 630).

³⁶ A bàwr-maalbɛ: a Yedaya dɔwlʋ nɩbɛ na ɩ a Zozue yir dem a: túr vʋ̃ɔ kʋba dɔwlɩ lɩz'a ata nɩ pie nɩ ata (973).

³⁷ A Ɩmɛɛr dɔwlʋ nɩbɛ: túr dɔwlɩ lɩz'a ayi nɩ pie nɩ ayi (1 052).

³⁸ Pasehuur dɔwlʋ nɩbɛ: túr dɔwlɩ kɔbr ayi lɩz'a ayi nɩ ayopõi (1 247).

³⁹ Harim dɔwlʋ nɩbɛ: túr dɔwlɩ pie nɩ ayopõi (1 017).

⁴⁰ A levitɩ mɩnɛ: Yesua nɩ Kadɩmɩɛl dɔwlʋ nɩbɛ na ɩ Hodawiya dɔwlʋ nɩbɛ a: lɩz'a ata nɩ pie nɩ anaar.

⁴¹ A yiel-yielbɛ: Asafʋ dɔwlʋ nɩbɛ: lɩz'a ayʋɔb nɩ ani (128).

⁴² A dɩ̃dɔ-gùrbɛ: Salum nɩ Atɛɛr nɩ Talmon nɩ Akuvʋ nɩ Hatita nɩ Sovaɩ dɔwlʋ nɩbɛ, bɛ za ɩ n nɩbɛ lɩz'a ayʋɔb nɩ pie nɩ awaɩ (139).

⁴³ A Ŋmɩn-yir-kpɛ̃ɛ tõ-tõ-biir: Siha, Hasufa, Tabawɔtɩ,

⁴⁴ Kerɔsɩ, Sɩaha, Padon,

⁴⁵ Levana, Hagava, Akuvʋ,

⁴⁶ Hagavʋ, Salmaɩ, Hanan,

⁴⁷ Gidɛl, Gahaar, Ereaya,

⁴⁸ Eresin, Nekoda, Gazam,

⁴⁹ Uza, Pasea, Besaɩ,

⁵⁰ Asɩna, Meunim, Nefusim,

⁵¹ Bakɩbukɩ, Hakufa, Haarhuur,

⁵² Basilutɩ, Mehida, Harsa,

⁵³ Barkɔsɩ, Sɩsera, Tama,

⁵⁴ Nesɩa nɩ Hatifa dɔwlʋ nɩbɛ.

⁵⁵ A Salomɔ̃ tõ-tõ-biir dɔwlʋ nɩbɛ: Sotaɩ, Ha-Soferɛtɩ, Peruda,

⁵⁶ Yaala, Darkon, Gidɛl,

⁵⁷ Sefatɩa, Hatil, Pokerɛtɩ-Ha-Sevayim nɩ Ami bʋʋrɛ.

⁵⁸ A Ŋmɩn-yir-kpɛ̃ɛ tõ-tõ-biir nɩ a Salomɔ̃ tõ-tõ-biir bʋʋrɛ tɩ ɓã n taa ɩ nɩbɛ kɔbr ata dɔwlɩ lɩz'a anaar nɩ pie nɩ ayi (392).

⁵⁹ A nɩbɛ na tɩ yi a Tɛl-Mela, a Tɛl-Harsa, a Kerub-Adan nɩ a Ɩmɛɛr lɛb wa a, bɛ bɛ tɩ tʋ̃ɔ́ manɩ vla bɛ bãw a bɛ sãàkʋm-kore yie sɩrɩ na pʋɔ a Ɩsɩrayɛl nɩ-bʋʋrɛ pʋɔ bɩɩ.

⁶⁰ Bɛ za tɩ ɩ n kɔbr ayʋɔb dɔwlɩ lɩz'a ayi nɩ pie nɩ ayi (652) ɛ́ ɩ Delaya, Toviya nɩ Nekoda bʋʋrɛ.

⁶¹ A bàwr-maalbɛ bɛ mɩnɛ yele mɩ̀ tɩ ŋmɛ̃ n a lɛ: Hovaya, Hakɔsɩ nɩ Barzilaɩ bʋʋrɛ tɩ nɛbɛ. Bɛ tɩ bʋɔlɛ nɩ a Barzilaɩ à à ŋá, ʋ na tɩ kul a Barzilaɩ na yi Galaadɩ tẽw a pɔwyaa kãw a.

⁶² Bɛ tɩ bɔ n a bɛ sãàkʋm-kore yée gù a sãàkʋm-kore yée sɛbr pʋɔ. Lɛ n'a bɛ tɩ yel kɛ́ bɛ ɩ n dɛwr dem, ɛ́ diw bɛ bɛr a bàwr-maalbɛ tome tob ƴãw.

⁶³ A na-kpɛ̃ɛ-lɩɛrɛ tɔr za tɩ yel bɛ na kɛ́ bɛ taa dɩrɛ de-kʋ̀b bome Naaŋmɩn yõ na so a ɩ, ɛ́ gù bàwr-maalɛ kãw wa lɔb a kpan-bie bãw lɛ bɛ na na ɩ a.

⁶⁴ A Ɩsɩrayɛl nɩbɛ za na tɩ yi a diw-cenu zie lɛb wa a, bɛ tɩ ɩ n nɩbɛ tùr-lɩz'a ayi nɩ ayi dɔwlɩ kɔbr ata lɩz'a ata (42 360).

⁶⁵ Bɛ tɩ tɛr'ɩ tõ-tõ-bi-dɛbr nɩ tõ-tõ-bi-pɔwbɛ túr ayopõi dɔwlɩ kɔbr ata lɩzɛr'ɩ pie nɩ ayopõi (7 337), nɩ yiel-yielbɛ dɛbr nɩ pɔwbɛ kɔbr ayi (200),

⁶⁶ nɩ wie kɔbr ayopõi dɔwlɩ lɩzɛr'ɩ pie nɩ ayʋɔb (736), nɩ mílɛ̀ kɔbr ayi dɔwlɩ lɩz'a ayi nɩ anũu (245), nɩ bòn kɔbr ayi lɩz'a ayi nɩ anũu (245),

⁶⁷ nyɔ̃wmɩ kɔbr anaar dɔwlɩ lɩz'a ayi ŋmãa anũu (435) nɩ bòn túr ayʋɔb kɔbr ayopõi dɔwlɩ lɩzɛr (6 720).

⁶⁸ Bɛ na tɩ ta a Zerizalɛm, a Sore Ŋmɩn-yir-kpɛ̃ɛ́ a, a yie nɩ-bɛrɛ bɛ mɩnɛ tɩ nɔ̃w na tɩr bome, k'aa Naaŋmɩn yir tʋ̃ɔ́ lɛb mɛ a be ʋ na tɩ dãw àr a.

⁶⁹ Bɛ tɩ tɩr'ɩ a lɛ bɛ na tʋ̃ɔ́ a, a tome á ŋá tob ƴãw: salm-zɩɛ libie tùr-lɩz'a ata nɩ been (61 000) nɩ salm-pla kilo túr-ayi dɔwlɩ kɔbr anũu (2 500). Bɛ mɩ̀ tɩ tɩr'ɩ bàwr-maalbɛ kpar-wowr kʋba (100).

⁷⁰ A bàwr-maalbɛ, a levitɩ mɩnɛ nɩ a Ɩsɩrayɛl nɩbɛ bɛ mɩnɛ na ɩ yiel-yielbɛ, dɩ̃dɔ-gùrbɛ nɩ a Ŋmɩn-yir-kpɛ̃ɛ tõ-tõ-biir a, bɛ tɩ zɩ̃ n a tẽ-bɛrɛ al bɛ na kʋ̀ bɛ a pʋɔ. A Ɩsɩrayɛl nɩbɛ bɛl na cɛ a tɩ zɩ̃ n a bɛ tẽ-yiri pʋɔ.