Ekilezɩasɩ 11 - A SƐB-SÕW

A cɩ-woro sãwnɛ nɩ yele

¹ Ta bʋ́nɛ nɩ a kũu-pire cɛb ɛ, fʋ nãà vɩrɩ na páw tɔnɛ bibir kãw.

² Ɛcɛ ta de a fʋ na-bome za ƴãw zi-been ɛ, bʋ̃ʋ n'ʋ vɛ̃, fʋ bɛ bãw a yel-faa ʋl na na tʋ̃ɔ́ ta a tẽw zu a ɩ.

³ A Zũzuge wa paalɩ a kʋ̃ɔ a, a saa mɩ́ waar'a. Tɩɛ wa lo gʋba lowr bɩɩ dʋrʋ lowr a, a be ʋ na lo a n'a ʋ mɩ́ gã.

⁴ Ka-kʋɔra na zɔrɛ a sɛsɛb a kʋ̃ bʋ̀r ɛ. Nɩr na zɔrɛ a saa a kʋ̃ cɛ bom za ɩ.

⁵ Mɛ̃ a lɛ fʋ na bɛ bãw a nyɔ-vʋʋrʋ yi-waa zie nɩ lɛ bibile na mɩ́ ɩ tɩ cɔbrɩ a ʋ mã puori a, lɛ mɩ̀ n'a fʋ kʋ̃ tʋ̃ɔ́ bãw a Naaŋmɩn na maalɛ bom za a ton pɛr ɛ.

⁶ Alɛ n'a so, a biɓaara a, bʋ̀r a bʋ̃-bʋrɩ ɛ́ ta bɛr a tome tɩ ta a zaanʋɔra a ɩ. Bʋ̃ʋ n'ʋ vɛ̃, tõ-buor'ʋ na maalɩ, ŋa n'ʋ bɩɩ ŋa n'ʋ? Fʋ bɛ bãw ɛ. Kapaw a za ayi vɩɛl'a.

⁷ A cãà vɩɛl'a, ɛ́ a mimie nɔnɛ a mʋ̃tɔ̃w nyɛ́b.

⁸ A nɩsaal saa na vʋʋrɩ cɛlɩ a, a fɛr'a k'ʋʋ cɩlɛ a yome za ƴãw. Ɛcɛ, ʋ bãwnɩ a niw-sʋba bibi-yaga na na be be kʋralɛ, nɩ a nɩdaar na ɩ bʋnɛbʋnɛ a.

Tɩ wone a nʋ̃ɔ̀, ɛ́ a kũu daar wa bãw ta

⁹ Pɔlbile e, wone a nʋ̃ɔ̀ a lɛn daar fʋ na cãà ɩ pɔlbile a, cɩlɛ a ʋlɩ daar nɛ. Ɩrɛ lɛ za fʋ na bɔbr nɩ lɛ za na pɛlɩ a fʋ pʋɔ a. Ɛcɛ bãwnɩ a a Naaŋmɩn na na dɩ n fʋ ƴɛ̀rʋ a fʋ ɩ-ɩrɩ za ƴãw a.

¹⁰ Ɩ a pʋ-sãwna nɩ a bàalʋ a zãá nɩ fʋ. Bʋ̃ʋ n'ʋ vɛ̃, a pɔlbiilu nɩ a ƴã-gan fãw mɩ́ tɔl'ɩ fɔ̃w.