Psalm 93 - De Beebaa Dabu

¹ Go Tagi Maolunga e hodooligi; ia e gahu i de mahamaha. Tagi Maolunga gu gahu; ia e gahu i de mmahi. Henua i lalo gu hagaduu ma gu makaga; gai e dee maua naa donu gi baguu.

² Doo nohoanga hodooligi ne hagaduu ga makaga madagidagi loo; koe e dee ngado mai ga hano ai.

³ Tagi Maolunga, denga vai gu hagalongaa; denga vai gu hagalongaa, denga vai gu haganngolo.

⁴ Tagi Maolunga i de langi e mmahi ange i de hagangolo o denga vai lagolago, gai e mmahi ange i denga beau hadihadi o tai.

⁵ Tagi Maolunga, au hainga e dee sui donu; gai doo hale e dabu ga hano ai.