Psalm 82 - De Beebaa Dabu

Se Psalm nii Asaph

¹ De Maadua e noho madali de hagabuulinga hagasaele dabu; go ia e hagamodu ina muna o denga maadua ange laa:

² “Dee hee maa taulooloa doodou dee hagamodu muna i de heohi, ma doodou hagabuni ange gi de gau baubau? Selah

³ Koe gi daalaa hagadonu dagodo o olaadeu e baageaa ma gilaadeu e deai olaadeu damana; gai daalaa de heohi o de gau hagaau aloha ma gilaadeu e duasala.

⁴ Hagaola ina gilaadeu e baageaa ma gilaadeu e duasala; hagaola ina gilaadeu mai i de gau baubau.

⁵ Gilaadeu e dee iloo mee gai e dee tonu. Gilaadeu e seesee saele i lo te gohu; gai tagelo alodahi o henua i lalo gu dai baakuu.

⁶ Au ne hagadaba, ‘Goodou ni maadua, gai goodou alodahi ni dama nii de Ia Maolunga Mmao laa.’

⁷ Aagai goodou e maakau naa donu bei dagodo o dangada, gai e maakau bei dagodo o denga dagi.”

⁸ De Maadua, hidi age hagamodu ina muna o henua i lalo; i hiidinga niiou denga huaahenua alodahi!