Psalm 79 - De Beebaa Dabu

Se Psalm nii Asaph

¹ De Maadua, denga huaahenua gu kage mai gi honga doo henua; gilaadeu gu hai ma gu hakino gee doo temple dabu, gai gilaadeu gu oha Jerusalem alodahi.

² Gilaadeu gu gaavange angaanga o oo dangada hai hegau gi denga manu llele gi gaimee ai, gai gu gaavange angaanga o oo dangada dabu gi manu lodo henua.

³ Gilaadeu gu llingi denga dodo bei denga vai i Jerusalem alodahi, gai gu deai donu dangada e danumia de gau maakau.

⁴ Gai gimaadeu gu ni mee e hakadanga ai dangada e paa mai gi gimaadeu, gai gu hagangadi mee i daho dangada i omaadeu gaogao.

⁵ Tagi Maolunga, dee hee maa taulooloa? Koe ga duudagi naa donu huu doo lili i gimaadeu ga hano ai? Dee hee maa taulooloa de kona doo maagoda bei de ahi ula?

⁶ Koe gi lili i denga huaahenua e dee iloo goe, ma denga nohoanga hodooligi e dee dalodalo adu gi de goe.

⁷ Go hiidinga gilaadeu gu daa dangada o Jacob, ma de oha de mommee iai dono mommee noho.

⁸ Koe gi dee manadua omaadeu baubau i denga masavaa gu hulo, gi hai baasi mai gi gimaadeu; koe gi hagamoolau gi lodo aloha mai gi gimaadeu, i hiidinga gimaadeu gu duasala mmao.

⁹ Balea mai gimaadeu, de Maadua demaadeu Ia Hagaola, gi hagamahamaha ina ai doo ingoo; hagaola ina gimaadeu ma de degi mai gi omaadeu haisala, i hiidinga doo ingoo.

¹⁰ Gu aha gu hagataba ai denga huaahenua, “I hee iai delaadeu Maadua?” Haia gi gidee e gimaadeu dau sui ange hegau a denga huaahenua i delaadeu daa oo dangada hai hegau!

¹¹ Koe gi hagalaangona de tangi o dangada i lo te hale pono; ma de hagaola gilaadeu gu hagamodu e daa gi maakau i doo lima mmahi.

¹² Suuia ange hegau a dangada e paa mai gi gimaadeu gi hidu hanonga; de Ia Aamua, ma de sui ange de hakadanga i de goe.

¹³ Gai gimaadeu, oo dangada, go ssiibi i dau mommee iai helii, e hagaahe adu de abodonu ga hano ai; gimaadeu e tuhi naa goe i denga atangada alodahi.