Psalm 52 - De Beebaa Dabu

Ange gi tagi o taahili. Se Maskil nii David , i de masavaa a taane Edom go Doeg ne humai ai ga tala ange gi a Saul , “David ne humai gi de hale o Ahimelek”

¹ Taane mmahi, gu aha gu basa hagasoenga ai naa goe i de baubau? De lodo aloha o de Maadua e dagodo ga hano ai.

² Doo alelo e tala denga hagatau e daa ai dangada; doo alelo e kangi bei de leesaa, koe se dangada hai hegau hadu muna.

³ Koe e kii ange de baubau doo lodo ai i tanuaa, gai e kii ange de hadu muna doo lodo ai i de muna abodonu. Selah

⁴ Koe e lodo i muna hagammae manava alodahi, koe e daahanga dangada i au muna!

⁵ Aagai de Maadua e daa naa goe gi magau ga hano ai; ia e poo naa goe ga kave gee i doo hale malo; ia e dada age naa goe ga aau gee i de henua e nnoho ai dangada. Selah

⁶ Gai gilaadeu e heohi e maatagu naa i delaadeu gidee mee nei, gilaadeu e kada naa i de ia, ga hagataba,

⁷ “Goodou diiloo dagodo o tangada e dee haia de Maadua go dono mommee buibui makaga, aagai dana tali hagalodolodo go ono goloa lagolago, gai ia e hagadaga ange de mmahi i ana hegau baubau.”

⁸ Aagai au e bei de manu somo go de olive e somo laa i lo te hale o de Maadua. Au e hagadonusia bolo de Maadua e abodonu ga hano ai e dee ngado mai.

⁹ Au e tuhi goe ga hano ai, i hiidinga o au mee gu hai, i madamada o oo dangada dabu. Dagu tali hagalodolodo go doo ingoo, go hiidinga doo ingoo e danuaa.