Psalm 47 - De Beebaa Dabu

Ange gi tagi o taahili. Se Psalm nii de aamuli o Korah

¹ Dangada alodahi, baabaa oodou lima! Hevaalogi daahili ange gi de Maadua i de malangilangi!

² Go hiidinga Tagi Maolunga, de Ia Maolunga Mmao laa, e hagamadagu mmao, go ia de hodooligi maolunga o henua i lalo alodahi.

³ Ia ne hai gimaadeu gi hagadee kii ina denga huaahenua, ma de hai gilaadeu gi nnoho i omaadeu lalo.

⁴ Ia ne hili de henua e bolo mai gi gidaadeu, go de mommee o Jacob e lodo ai, de ia oona e aloha ai laa. Selah

⁵ De Maadua gu gage age, gai dangada e hevaalogi! Tagi Maolunga gu gage age, gai gu ili denga hanga manu.

⁶ Daahili duuhia de Maadua, daahili duuhia; daahili duuhia taadeu Hodooligi, daahili duuhia!

⁷ Go de Maadua de hodooligi o henua i lalo alodahi; daahili ange gi de ia i dahi Psalm.

⁸ De Maadua go tagi o denga huaahenua; de Maadua gu noho i honga dono nohoanga dabu.

⁹ De gau aamua o denga huaahenua gu hagabuni madali dangada o de Maadua o Abraham, go hiidinga denga mee hungihungi i henua i lalo nii de Maadua; ia e hai naa ga aamua mmao!