Psalm 43 - De Beebaa Dabu

¹ De Maadua, hagamodu ina bolo au e heohi, ma de tala hagadonu ogu dagodo e hai baasi ange ai gi de huaahenua baubau; hagaola ina mai au i gilaadeu e daahangadia dangada ma de baubau!

² Go koe de Maadua, gai go koe dogu mommee buibui makaga. Gai gu aha gu tili ai naa goe au? Ni haigamaiana aha dogu hano saele ma de daemaha ogu lodo i de hagaduasala a ogu hagadaumee au?

³ Haia gi humai dau maalama ma dau mee abodonu, gai gilaau ga dagi ai au; gilaau gi gaavee au gi doo mounga dabu, go de mommee oou iai!

⁴ Gai au e hano gi de mommee o ssigidaumaha a de Maadua, ma daho dogu Maadua i de malangilangi laumalie. Au e tuhi goe i de tale de lyre, de Maadua, go dogu Maadua.

⁵ Dogu hagasaalunga, gu aha gu daemaha ai naa goe, gai gu aha gu manavasaa ai naa goe? Haia go de Maadua dau tali hagalodolodo; go hiidinga au e ahe ange naa donu ga tuhi ia, dogu Ia Hagaola ma dogu Maadua.