Psalm 32 - De Beebaa Dabu

Se Psalm nii David. Se Maskil

¹ E manuuia tangada a de Maadua gu degi ange gi ono haisala, gai ono haisala gu haoli.

² E manuuia tangada a Tagi Maolunga e dee dau ange ono baubau gi de ia, gai ono lodo e deai se muna hagasenga iai.

³ De masavaa aagu ne hagammuni ai ogu haisala, gai dogu angaanga gu hagadaga mai gai au e manava i lunga mai i taiao ga boo ai.

⁴ De laangi ma de boo gai doo lima e hagadaemaha mmao au; gai gu deai ogu mahi bei de mahana o de masavaa hagamahana. Selah

⁵ Au e tala adu ogu haisala gi de goe, au e dee hagammuni donu ogu baubau; au ne hagadaba, “Au e tala ange ogu haisala gi Tagi Maolunga;” gai koe ne degi mai gi ogu haisala. Selah

⁶ Deenei ai, dangada alodahi e heohi gi dalodalo adu gi de goe i de masavaa alaadeu e maua ai goe; ni muna abodonu, de masavaa naa huu e hagahonu age ai de vai mmahi, gai gilaadeu gu dee maua gi daea adu ia.

⁷ Go koe dogu mommee e mmuni ai, koe e buibui au i de hai ngadaa; ma de hai au gi daahili i taahili o de hagaola. Selah

⁸ Au e tala adu naa ma de agoago adu goe i doo haiava e hano ai; au e tala adu naa au mee e hai aama de tilo adu goe.

⁹ Koe gi dee bei de hoosa aabe go dahi donkey e dee maua laa gi donu ange, aagai e hai dono ngudu gi daohi i de baalanga ma mee nnoa, ga mee naa huu gai gilaadeu e dee loomai gi oo daha.

¹⁰ E lagolago daemaha o de gau baubau, gai de abodonu o Tagi Maolunga e duuli tangada e hagadonusia ia.

¹¹ Goodou alodahi e heohi, lodo danuaa ma de malangilangi i Tagi Maolunga! Goodou alodahi e heohi oodou lodo, hevaalogi i de malangilangi!